Евроцæдисы бæрзонддæр минæвар, Еврокамисы вице-президент Джозеф Боррелл августы хæсты 16 азы сæххæсты фæдыл расидæн парахат кæны.

Борелийы расидæны куыд банысангонд у, афтæмæй Евроцæдисы хæс Гуырдзыстоны конфликтты сабырадон æрбæстон кæныны фæдыл нырма дæр æнæфæцудгæ у.

Евроцæдис ныр дæр карзæй йæ фарсыл хæцы Гуырдзыстоны хæдбардзинад, суверенитет æмæ территорион æнæхъæндзинадæн бæстæйы æхсæнадæмонæй нымад арæнты мидæг.

«7-æм августы 16 азы сæххæст уыдзæн 2008 азы августы Уæрæсе æмæ Гуырдзыстоны æхсæн хæст куы райдыдта, уæдæй. Гуырдзыстоны конфликтты сабырадон æгъдауæй æрбæстон кæныны фæдыл Евроцæдисы хæс æнæфæцудгæ у.

Мах æфхæрæм уæрæсейаг æфсæддон тыхты дарддæры уæвынад оккупацигонд хæдæвзарæн Абхазы æмæ Хуссар Ирыстоны регионты, кæцы хæлы æхсæнадæмон барад æмæ ныхмæлæууæг у Уæрæсейы хæстæн 2008 азы 12 августы æххæстгонд æхсæз пунктон бадзырдмæ гæсгæ. Гуырдзыстоны конфликтæй зианбаййафæг цæрджыты адæймагон барты хæлдтытæ даргъ кæнынц, уый нымæцы «бордеризацийы» политикæйы фæстиуæгæн, ахизæн пунктты сыхгæд, уæрæсейаг æфсæддон æмæ де-факто хицауады æрдыгæй æнæзаконон ахст. Змæлды сæрибардзинады арæнæвæрдтæ хъуамæ фæуой, адæймаджы барты хæлдтыты фæдыл фæдагуырдтæ хъуамæ æххæстгонд æрцæуой, æмæ æппæт зианбаййафæгæн дæр хъуамæ ифтонг æрцæуа рæстдзинад.

Мах æххæстæй æнувыд стæм конфликтты сабырадон æгъдауæй æрбæстон кæныныл, уыцы нымæцы Евроцæдисы хайадистæй Женевæйы æхсæнадæмон дискусситы (ЖÆД) куыд æмсæрдар, Евроцæдисы сæрмагонд минæвар Хуссар Кавказы æмæ Гуырдзыстоны кризисы фæдыл архайд, æмæ æнæрлæугæ куысты фæрцы Гуырдзыстоны Евроцæдисы цæстдарæг миссийы (EUMM) бынатыл. Сидæм Женевæйы æхсæнадæмон дискусситы æппæт хайадисджытæм, цæмæй дискусситы конструктивонæй бацархайой, цæмæй 2008 азы 12 августы æхсæз пунктон бадзырд æххæстæй æххæстгонд æрцæуа.

Евроцæдис дарддæр кæны фидарæй йæ фарсылхæцындзинад Гуырдзыстоны хæдбардзинадæн, суверенитетæн æмæ территорион æнæхъæндзинадæн бæстæйы æппæтдунеонæй нымад арæнты мидæг» – ис фыст фидиуæны.