Евроцæдис тæрхон кæны Гуырдзыстоны закъондæттæн пакет «Бинонты аргъдзинæдты æмæ æнахъомты хъахъхъæды фæдыл» дыккаг бакасты тагъд райстæн.

Уый фæдыл дзырдæуы Евроцæдисы уæлдæр минæвары пресс-спикеры, Джозеф Борелы расидæны, кæцыйы Евроцæдисы минæварад Гуырдзыстоны парахат кæны.

«Ацы пакет Гуырдзыстоны цæрджыты фундаменталон бартæ халы æмæ цæрджыты иу хайы стигматизацийы æмæ дискриминацийы фæтыхджындæр кæныны тæссагдзинад æвзæрын кæны.

Евроцæдис тыхстдзинад сиды, цæмæй Евроцæдисимæ интеграцийы фæндагыл нысаниуæгджын фæстиуджытæ кæмæн ис, ахæм закъондæттынад ист æрцыд æнæ æмбæлон æхсæнадон консультацитæй æмæ европон æмæ æхсæнадæмон стандартты æххæст кæныны лæмбынæг анализæй.

Адæймаджы барты ифтонг кæнын æмæ хъахъхъæнын у Евроцæдисы рауæрæх кæныны процессы сæйрагдæр, куыд æрвылаз аргъгонд цæуы Еврокъамисы рауæрæх кæныны хыгъдлæвæрды.

Евроцæдис Гуырдзыстоны хицауадмæ сиды ацы закондæттæн пакет æнæхъæнæй æркæсой. Ахæм проект, æмбæстагон æхсæнады æрдæм «Æттаг æндæвдады æргомдзинады» закъоны æвæрд арæнæвæрдтимæ иумæ, Евроцæдис-Гуырдзыстоны ахастытæ ноджы фæкарздæр кæндзæн.

Евроцæдис уын зæрдыл лæууын кæны, цæмæй Гуырдызстоны бацыды процесс фактонæй урæд æрцыд æмæ хицауадмæ сиды, Евроцæдисмæ интеграцийы фæндагмæ æрыздæхой», – ис фыст фидиуæны.