Æддæйæ  уæлæндæвд фæкарддæр кæнынæн, Сомихыстонæн бахъæудзæн Уæлхох Къарабахы  конфликты  аскуыддзаг кæнын –  уый  фæдыл   Ереванмæ  визиты рæстæджы  райхъусын кодта   националон æдасдзинады  фарстаты  АИШ-ы  президенты  уынаффæгæнæг   Джон Болтон.

Йæ ныхæстæм гæсгæ,  паддзахадæн  зæгъгæ нысаниуæгджын у, уа  йын  егъау   фæрæзтæ   æхсæнадæмон аренæйыл  æмæ  ма  хъуамæ  æхгæд  историон   шаблонты мидæг.

«Кæд Никол Пашинян æмæ йæ  политикон парти  æвзæрстыт фæстæ  райсдзысты  фидар мандат,    уæд  срегулиркæнын æрдæм   хъæддых къахдзæфтæ   саразынæн   уыдзæн иттæг хорз фадат» –   банысан кодта Джон Болтон.

АИШ-ы президенты  уынаффæгæнæг афтæдæр райхъусын кодта,  цæмæй  зæгъгæ  Сомихыстон æмæ Азербайджан, хæцæнгарз Уæрæсейæ  кæй æлхæнынц,   уымæй  Мæскуыйæн   дыууæ дæр фарсыл  æндæвдады уæлæмхас   фадæттæ   дæтты æмæ  конфликты  аскуыддзагæн та  тынг æвзæр   фактор у.