Джеймс Аппатурайи  - НАТО сараздзæн цыппар дырыс къахдзæф, цæмæй Гуырдзыстон, Сау Денджызы  æдасдзинады æрфидары  фылдæр баст уа
Джеймс Аппатурайи - НАТО сараздзæн цыппар дырыс къахдзæф, цæмæй Гуырдзыстон, Сау Денджызы æдасдзинады æрфидары фылдæр баст уа

НАТО цыппар дырыс  къахдзæф  сараздзæн  цæмæй  Гуырдзыстон  Сау Денджызы  æдасдзинадмæ уæрæхæйдæр   баиу  кæна   –  уый фæдыл Гуырдзыстоны  Радиоимæ  эксклюзивон   интервьюйы   Кавказы æмæ  Централон Азийы   НАТО-ы генералон нымæрдары  специалон  минæвар  Джеймс Аппатурайи   фехъусын кодта.

«Æххуысы   ног пакеты алæвæрды  политикон скуыддзагæн ис  цыппар  аххосы.  Фыццаг –  зонут æй,  Гуырдзыстон у  НАТО-йы  æнæуæнг  уыцы  бæстæты къорды,  кæцытимæ нын ис  куындæг  дыууæфарсон  æмгуыстад. Гуырдзыстонимæ ацы  æмгуыстад  æцæгæй сегасдæр   хуыздæр æмæ дæнцон у  æмæ  нæ  уый  фæарфдæр кæнын  фæнды. Дыккаг  аххос у уый æмæ алчидæр зонæм,  цæмæй  Сау Денджызы   регионы æдасдзинады æрдгæй  ситуаци   фæфыддæрдæр ис.   Ацы  ситуацийы  фæфыддæр ис  Гуырдзыстонæн, Украинайæн  æмæ НАТО-ы  уæнгтæн дæр.  Уый  аххосаг та  у  Уæрæсейы  агрессивон архæйдтытæ  Гуырдзыстоны, Украинайы  æмæ  Хъырымы  æрдæгсакъадахыл. Уæрæсе  Хъырымæй  спайда  кодта  Сау Денджызы  æфсæддон тыхты бæрц  райрæзын кæнынæн.  Уыцы  тæфаг та  хъары  куыд махмæ, афтæ Гуырдзыстонмæ æмæ  Украинамæ дæр» –   фехъусын кодта  Джеймс Аппатурайи.

Йæ ныхæстæм гæсгæ,   уæлдæрæрнымадгонд   аххосæгты тыххæй, НАТО-ы  фæнды Гуырдзыстонимæ æмгуыстад фæарфдæр кæнын,  уæлдайдæр  Сау Денджызы   контексты.

«Уый æппæтмæ  гæсгæйæ   хъавæм   ахæм  къахдзæфтæ саразын. Фыццаджы дæр,  Гуырдзыстон  баиу  кæндзыстæм фылдæр активондзинæдты, кæцыты  хонæм «гибридон хъахъхъæнынадæй».  Ныхас  кæнын уыцы  амæлттæ æмæ фæрæзтæй  хъхъахъхъæнынадыл,  кæцытæй  Уæрæсе пайда кæны  æндæр бæстæты  ныхмæ,  дæнцæн,  хъуыддаг куы æххæссы  киберлæбурдтæм кæнæ дезинформацимæ,  энергетикон блокадæмæ,  сусæггомау   бæрæгдзау  æмæ  æфсæддон активондзиндмæ.  Алы  ацы  мадзæлтты  мах  нымаййæм иу   пакеты  хайæ,  уымæн  æмæ æцгдæр афтæ у.  Кусæм Украинаимæ  æмæ Гуырдзыстонимæ  ацы  фарстатыл.  Фæфидардæр кæндзыстæм æмгуыстад  цæмæй   нæхи бахъахъхъæнæм  ахæм æртъхъирæнтæй» – банысан кодта Аппатурайи.

Афтæма йæ ныхæстæм гæсгæ,   дыккаг фарста у уый æмæ  Гуырдзыстонмæ  хъуамæ  уа  сыхагон  тыгъдады,  бирæ   хуыздæр уавæр.

«Ис нæм  программæ, кæцымæ нæ фæнды  Гуырдзыстон бафтауын.  Уый у  «Уæлдæфон тыгъдады  æдасдзинады программæ»,  кæцыйы фæрцы  Гуырдзыстон хуыздæр зондзæн цы  уавæр ис  йæ  уæлдæфон тыгъдады.  Ног пакеты  ноджы иу  компонент у уый, цæмæй  гуырдзиæгты æмæ украинæгты  фылдæр бæрцæй  бастдзинад  уа  иумæйаг  ахуырты.  Сæрмагондæй  уый тыххæй, цæмæй   Гуырдзыстон» хъахъхъæнынады институцион   рацарæзты скъола»  æмæ «НАТО-Гуырдзыстоны  ахуырты  æмæ аргълæвæрды иумæйаг центр»  тынг  хорз  куыст кæнынц. Ныфс нæ ис, цæмæй  уым  фылдæр украинагы   фендзыстæм.   Æмæ æппынфæстаг,  нæ  æмцæдисонтæ,  НАТО-йы   уæнгтæ тæрхон кæнынц  Гуырдзыстоны фылдæр бастдзинадыл   æфсæддон ахуырты.  Уый нымæцы   регионы дæр. Афтæмæй нæм ис  цыппар  дырыс  къахдзæф, кæцыты саразын   хъавæм, цæмæй  Гуырдзыстон,  Сау Денджызы  æдасдзинады  æрфидары  фылдæр    баст уа» –   райхъусын кодта Джеймс Аппатурайи  «Гуырдзыстоны Радиоимæ»  эксклюзивон интервьюйы.

Кавказы æмæ  Централон Азийы   НАТО-ы генералон нымæрдары  специалон  минæвар  Джеймс Аппатурайи интервьюйы æххæст версимæ байхъусын уæ  бон у  хуыцаубоны, 3  майы, «Гуырдзыстоны Радиойы» эфиры, Леван Ахалаиайы  авторон алæвæрды «Дунейы Хабæрттæ».