Дунеон Банкы  вице-президент  Европæйы æмæ Централон Азийы   регионы – Анна Биерде – Гуырдзыстонмæ  йæ фыццаг визитæй  17 июны æрцæудзæн.

Дунеон Банкы информацийæ,  дыууæбонон визиты дæргъы  Анна Биерде  фембæлдзæнис  Гуырдзыстоны премьер-министр Ираклий Гъарибашвилиимæ, афтæма Гуырдзыстоны хицауады  æндæр уæнгтимæ, сæ нымæцы  финансты министр Лаша Хуцишвилиимæ, экономикæ æмæ  æнæфæцудгæ рæзынады  министр  Натиа  Турнаваимæ  æмæ  оккупацигонд Гуырдзыстоны территоритæй   лигъдæтты, фæллойады, æнæниздзинады æмæ  социалон  хъахъхъæды министр Экатерине Тъикъарадзеимæ.

Афтæма сæ информацийæ,   Дунеон банкы  вице-президент афтæдæр  ауадздзæн фембæлдтæ  Гуырдзыстоны æмбæстагон æхсæнады, академион зылдты æмæ  хицæн секторы  минæвæрттимæ; афтæма фембæлдзæнис  партнертимæ  æхсæнадæмон финансон институттæй  æмæ  рæзынады æрдæмадæй архайæг  æхсæнадæмон  организацитимæ.

Анна Биерде  афтæдæр  абæрæг кæндзæн Гуырдзыстоны инновациты æмæ  технологиты  агентады- технопаркы, цы ран фембæлдзæн  Дунеон Банкы  националон инновациты  экосистемæйы  проекты (GENIE) бенефициартимæ.  Швецийы æмбæстаг  Анна Биерде, Дунеон Банкы вице-президенты пост 2020 азы  1 майы бацахста.  Ацы позицийыл уый  къухдариуæг кæны  Дунеон Банкы  стратегион, аналитикон,  операцион  æмæ   рухсадон  куыстæн  Европæ æмæ Централон Азийы  регионы.