Алфæмблайы æмæ хъæууон хæдзарады министр Давит Сонгъулашвили фембæлд Гуырдзыстоны Кореяйы Республикæйы Уæлвæткон æмæ Æххæстбарджын минæвар Хёнду Кимимæ. Уый тыххæй фехъусын кодта хъæууон хæдзарады министрад.

Министрады информацимæ гæсгæ, фембæлдыл фарсытæ фæныхас кодтой хъæууон хæдзарады æмæ алфæмблайы хъахъæды фадгуыты бæстæты æхсæн фидæны æмкуыстдзинады перспективæтыл æмæ базарадон-экономикон ахастыты фæарфдæр кæныны фадæттыл.

«Министр фæныхас кодта уыцы æнтыстджын проекттыл, кæцытæ цæуынц бæстæты æхсæн æмæ сæйраг хъусдард аздæхта хъахъхъæд зонæты фадыджы эффективон æмкуыстдзинады нысаниуæгыл.

Давид Сонгъулашвилийы ныхасмæ гæсгæ, иттæг нысаниуæгджын у корейаг зонындзинæдтæ æмæ фæлтæрддзинадæй дих кæнын, бæстæйы нырыккон технологитæ бахæссын æмæ сæххæст кæнын, уæлдайдæр та хъахъхъæд зонæты, климаты ивæндзинады фæкъаддæры, доны ресурсты æмæ эффективон кризисон менеджменты фадыджы.

Фембæлдыл фарсытæ афтæ дæр фæныхас кодтой хæлцадон продукттæ экспортон потенциал кæмæн ис, ахæмтыл. Давид Сонгъулашвили куыд расидтис афтæмæй, гуырдзиаг сæн, грецки æмæ гагадыргъты культурæтæ сты нысаниуæгджын продукттæ экспортон ресурстимæ. Министр ма æрдзырдта бæстæйы аквакультурæйы райрæзты перспективæтыл.

Кореайы минæвары ныхасмæ гæсгæ, паддзахæдты æхсæн æмкуыстдзинад активон æмæ æнтыстджын у, уый тыххæй дæр йæ бæстæ цæттæ у фæлтæрддзинадæй дих кæна, афтæ дæр техникон æмæ финансон æххуыс бакæна», -ис фыст хъæууон хæдзарады министрады парахатгонд информацийы.