Цыппар оппозицион парти, кæцытæ парламентон æвзæрстыты барьерыл ахызтысты, сидынц æмбæстæгтæм, цæмæй фидгæ отпуск æмæ сæ уæгъд рæстæгæй спайда кæной националон ныхмæлæуды змæлды.

Партитæ, се æхсæн гуырдзиаг компанитæм дæр сидынц, раттой уагуадзæнтæ æмæ уый фæрцы æххуыс кæной сæ æмзæххонты сабырадон тохæн Гуырдзыстоны европон фидæны тыххæй.

«2024-æм азы 26-æм октябры æвзæрстыты фæуæлахизгонд политикон партитæ сидынц Гуырдзыстоны æмбæстæгтæм: æркуырут куысты кодексæй лæвæрд фидгæ улæфт æмæ спайда кæнут уæ сæрибар рæстæгæй националон ныхмæлæуды змæлды.

Гуырдзиаг компанитæн, кæцытæ аргъ кæнынц Гуырдзыстоны сæрибардзинадæн, хæдбардзинадæн æмæ демократийæн: уæ хорзæхæй, раттут ахæм уагуадзæнтæ сæрибарæй ацы ахсджиаг бонты æмæ афтæмæй æххуыс кæнут æмзæххонты сабырадон тохæн Гуырдзыстоны европон фидæны тыххæй. Нæ тох рæстадон у æмæ дзы æнæмæнгæй фæуæлахиз уыдзыстæм!» – дзырдæуы фидиуæны, кæцыйы парти «Ахали» публикаци кæны «Фейсбукы».