Муниципалитеты минæварон органы – Сакребулойы æмæ хæдуынаффæгæнæг горæты/хæдуынаффæгæнæг æхсæнады мэры 4 октябры политикон партиты регистрацийы процесс фæцис.

ЦÆК куыд хъусын кæны, афтæмæй æвзарæнон администраци æркаст æппæт бавдыст куырдиæттæм æмæ æмбæлон документацимæ. Уый фæстиуæгæн регистраци æрцыд 14 партийы æмæ сын лæвæрд æрцыд æвзæрстыты архайыны бар. Æдæппæтæй ЦÆК-мæ æвзæрстыты хайад райсыны бар райсыны тыххæй курдиæттæ балæвæрдтой 17 партийы. Уыдонæй æртæйæн не сразы сты регистрацийыл, уымæн æмæ закъонмæ гæсгæ снысангонд домæнтæ нæ æххæст кодтой.

Политикон партитæн радон этапмæ хауы партиты номхыгъдты, мажоритарон æмæ мэры кандидатты бавдыст, кæцыты парти бавдисдзæн æмбæлон æвзарæнон комисмæ (4-æм сентябрæй фæстæдæр нæ), цæй фæстæ дæр райдайдзæн бавдыст документацийы сбæрæг кæныны процесс æмæ уый фæстæ та регистраци.

2025 азы 4 октябры æвзæрстыты хайадисæг партиты номхыгъд æвзарæн номырмæ гæсгæ:

«Консерватортæ Гуырдзыстоны сæраппонд» (3), «Фыдыбæстæ, æвзаг, дин» (1), «Адæмон хицауад» (14), «Тыхджын Гуырдзыстон-Лело» (9), «Гахариа Гуырдзыстоны тыххæй» (25), «Гуырдзиаг бæллиц» (41), «Гирчи» (36), «Гуырдзыстон» (11), «Гуырдзыстоны Патриоты альянс» (8), «Галиу альянс»   (10), «Гуырдзиæгты иудзинад» (4), «Цъæхты парти» (12), «Нæ Иугонд Гуырдзыстон» (5), «Сæрибар Гуырдзыстон» (7).