Гуырдзыстоны регионалон рæзынады æмæ инфраструктурæйы министрады фæндæгты департаменты информацийæ, скæсæн-ныгуылæн тагъд змæлæг автомагистралыл Шорапани-Аргветайы хайы арæзтад кæронмæ ахæццæ кæны.
Цæмæй Рикоты экспресс-трассæйы байгомгонд 27 км хай баиу уа Зестафонийы ахизæнимæ æмæ куыстытæ æнæкъуылымпыйæ æххæстгонд цæуой, уый тыххæй 15-æм августæй рæстæгмæ хъæуы зæронд фæндагыл ацæуын Рикоты 18 км хайы иу æрдæм. Сæрмагондæй, скæсæнæй ныгуылæнырдæм цæуæг хæдтулгæтæ Бориты иуæгæй Рикъоты зæронд фæндагыл Чимы хъæумæ цæудзысты, ныгуылæнæй скæсæнырдæм цæуæг хæдтулгæтæ та Рикъоты ног трассæйыл змæлдзысты.
Фæндаджы ног хæйттæ баиу кæныны куыстытæ этапгай фæуыдзысты сентябры, уый фæстæ транспорт ныридæгæн спайда кæндзæн ног Рикоты экспресс-трассæйæ 42 км дæрддзæфæй.
Ног Шорапани-Аргветайы фæндаг, куыд сæйраг фæндаджы алы хай, зынгæ фæбæрзонддæр кæндзæн фæндаггон æдасдзинады стандарт æмæ сифтонг кæндзæн комфортон æмæ æнæкъуылымпыйæ змæлд. Шорапани-Аргветайы хайыл сæйраг фæндаджы арæзтад цæуы Азиаг рæзынады банчы (ADB) æххуысæй.