Нæдæр коалицийæн, нæдæр блокæн фадат нæ уыдзæн 26-æм октябры æвзæрстыты хайад райсын. Æвзæрстыты политикон партиты хайадист закъондæттынадæй бæрæггонд цæуы, уымæ гæсгæ, кæд искæй фæнды æндæр политикон партийы номхыгъды уæвын, уæд хъуамæ ныууадза йæ парти – уый фæдыл ЦÆК-ы пресс-спикер Натиа Иоселиан райхъусын кодта.

Йæ ныхæстæм гæсгæ, 16-æм августы уагъд рабадтыл Централон æвзарæн къамис 26-æм октябры парламентон æвзæрстытæн æвзарæнон субъекттæн снысан кодта радон нымæцтæ.

«17 политикон цæдисæн лæвæрд æрцыд серийон номыр хæлттæй, 13 барлæвæрд партийæн та – закъондæттынадæй снысангонд процедурæтæ æмæ æмгъуыдтæ æххæст кæнгæйæ. Фæстаг æвзæрстыты цы серийон номырæй пайда кодтой, уый ныууадзын куырдиат кодтой, уыцы фидиуæныл бындурæвæрдæй, уыдон бахъахъхъæдтой ацы серийон номыртæ, æмæ хъуыды кæнæм, цæмæй уый у æвзæрстыты администрацийы æрдыгæй иттæг нысаниуæгджын æвæрæн æвзæрстытæм бацæттæ кæныны процессы, цæмæй æппæт æвзарæнон субъекттæн дæр уа æмхуызон æвзарæнон уавæр æмæ æмхуызон уавæртæ. 26-æм октябры парламентон æвзæрстытæн коалицитæ æмæ блоктæ нымад нæ цæуынц, æвзæрстыты архайыны бар ис æрмæстдæр политикон цæдистæн, æмæ кæд искæй фæнды æвзæрстыты архайын æндæр политикон партийы номхыгъдимæ, уæд ацы цауы хъуамæ ныууадза йæ хи парти. Афтæмæй, æвзæрстытæ разæй сты, æвзæрстыты фæстæ алцыппæт уыдзæн бæрæг, чи уыдзæн кæй партион номхыгъды æмæ куыд архайдзысты æвзæрстыты», – райхъусын кодта Натиа Йоселиани.