Райсомы 10:00 сахатмæ бынæттон æвзæрстыты æвзарджыты хайадист у 7,85 проценты, фехъусын кодтой Централон æвзарæн къамисы брифингыл.
Централон æвзарæнон къамисы пресс-секретарь, Иоселиани Натиа куыд банысан кодта, афтæмæй сеппæтæй фылдæр æвзарæнон хайадист Рачъа-Лечхумы регионы ис
«Æвзарджыты хайадисты тыххæй уын фехъусын кæндзыстæм 10:00 сахатмæ гæсгæ. Ацы рæстæгмæ æвзарæнон фадгуытæм æрцыд 275 948 (7.85%) æвзарæг. Алкæмæй фылдæр хайад ис Рачъа-Лечхумы.
Æвзарджытæн, кæцытæн сæ бон нæу æвзарæнмæ сæхæдæг ацæуын æнæниздзинады уавæрмæ гæсгæ, участоктæй ныридæгæн æрбаластой мобилон урнæтæ. Уæ зæрдыл уын æрлæууын кæндзыстæм, нысангонд цæуынц, змæлгæ урнæйæ чи схъæлæс кæндзæн, уыцы æвзарджыты дæр.
Æвзарæнон закъондæттынадмæ гæсгæ, абон æвзарæнон фадыджы агитаци кæнын тобæгонд у. Æвзарæн фадыгмæ бахизæнæй 25 метры дæрддзæгыл агитацигæнæн æрмæджытæ æвæрын нæй бар. Афтæ дæр нæй бар æвзарæн бон æвзарæн фадыгмæ кæнæ фадыгæй 100 метры дæрддзæгыл æвæрын агитацигæнæн æрмæджытæ. “Физикон æгъдауæй къуылымпы кæнын æвзарджыты змæлд дæрддзæфмæ. Афтæ дæр тобæгонд у æвзарæн бон æвзарæн фадыгæй 100 метры дæрддзæгыл адæмы æмбырд кæнын кæнæ æвзарджыты срегистраци кæнын”, — загътой ЦÆК-ы.