Гуырдзыстоны 26-æм октябры парламентон æвзæрстытæн политикон партиты регистрацийы процесс фæцис. Информаци ЦÆК парахат кæны.

Сæхи информацимæ гæсгæ, закъонæй снысангонд æмгъуыд 30-æм августы фæцис æмæ ацы рæстæгмæ Централон æвзарæнон къамисы (ЦÆК) регистрацигонд сты 27 партийы.

«26 октябры æвзæрстыты хайад райсыны бар райсыны тыххæй ЦÆК-мæ куырдиат бадæттыны æмгъуыд уыд æндæргъуызон. Политикон партитæй иуæй-иутæн, кæцытæн æвзæрстыты рæстæгмæ сæ кандидатурæтæй æвзæрст парламенты уæнгтæ нæ уыд, æмæ сæ закъон хæсджын кодта регистрацийы тыххæй 25 мин фарсхæцæджы къухфыстытæ бадæттын, ЦÆК-мæ курдиат бадæттыны æмгъуыд фæцис 15 июлы. Уыдонæй ЦÆК-мæ регистрацийы тыххæй курдиæттæ балæвæрдтой 30 политикон партийы. Апелляциты фæстиуæгæн 30 политикон партийæ дыууæйы куырдиæттæм нæ кастысты (иу цауы — æхсæнадон реестры уынаффæйæ партийы регистраци кæй фесæфтой, уый тыххæй, иннæ цауы та — сæргълæууæджы бартæ). Æмæ иннæ 28 партийæ 17 рацыдысты регистраци æмæ 11 та не сразы сты регистрацийыл.

Цыдæриддæр та уыцы политикон партитæм хауы, кæцытæн æвзæрстыты рæстæджы парламенты уæнгтæ уыдысты æвзæрст сæ кандидатурæмæ гæсгæ, уыдонæй 10 бахатыдысты ЦÆК-мæ æмæ рацыдысты регистраци.

Иннæ этап политикон партитæн партион номхыгъдты бадæттынмæ хауы, кæцыйæн сын ис æмгъуыд 26-æм сентябрмæ. Закъондæттынадмæ гæсгæ, æвзарæнон субъект хъуамæ бавдиса партион номхыгъд ЦÆК-ы сæрдармæ æвзæрстыты бонмæ 30-æм бонæй фæстæдæр нæ. Алы партийæн дæр ис бар бавдисын иу партион номхыгъд. Парламенты уæнг суæвынмæ кандидатты нымæц партион номхыгъды хъуамæ ма уа 30-йæ къаддæр æмæ 200-йæ фылдæр. Æндæр æмæ æндæр партион номхыгъдтæм иу адæймаджы бахæссын нæй бар. Партион номхыгъдты бадæттыны фæстæ, бавдыст документацийы сбæрæг кæныны процесс æмæ уый фæстæ та регистрацийы процесс райдайдзæн», – ис фыст ЦÆК-ы информацийы.