Централон æвзарæнон къамис хъусын кæны, цæмæй æвзæрстытæм цæттæгæнæн процесс ссис æфсон æнæраст адæймæгты æндæр æрбабырстæн. Æвзарæн къамисы куыд банысан кодтой, афтæмæй организацийы æппæт хæрдзтæ сты нысанмæздæхт æмæ растгонд.

“Æвзарæнон администраци дарддæр кæны йæхи цæттæ кæнын муниципалон æвзæрстытæм. Æвзарæнон администраци ацы процесс райдыдта æвзæрстыты расидыны агъоммæ дæр æмæ ныридæгæн сæххæст кодта къорд мадзæлттæ, кæцытæ здæхт сты æвзæрстыты профессионалон уагъд сифтонг кæнынмæ. Уыдон æхсæн ис ахæм ахсджиаг проекттæ, куыд Æвзарæнон администрациты æхсæнадæмон конференци, кæцыйы хайад райстой 120 минæвары бæрц æвзарæнон администрацитæй бæстæтæ, æндæр æмæ æндæр хицауадон уагдæттæ æмæ Гуырдзыстоны æвзарæнон администраци.

Проект «Æвзæрстытæ æмæ электрон технологитæ», кæцы æххæстгонд æрцыд бæстæйы æппæт муниципалитетты 7 этапæй, æрæмбырд кодта 4900 архайæджы бæрц. Проект «Гуырдзыстоны фæсивæдон консультативон советтæ – идейæтæй ивæндзинæдтæм» фæлгæтты, фæсивæдимæ фембæлдтæ сырæзтысты, кæцыты 400-йы бæрц æвзонг иста хайад. Иумæйаг тæрхондæтты административон хъуыддæгтæ чи кæсы, уыцы тæрхонгæнджытимæ арæзт æрцыд кусæг æмбырд, архайдта дзы 80 адæймаджы бæрц. Ацы этапыл цæуы цæттæгæнджыты корпусы ногæй цæттæ кæныны процесс – муниципалон æвзæрстытæм цæттæдзинады иуæй-иу сеппæтæй нысаниуæгджын фадыг. 279 адæймаджы ацæудзысты ахуыртæ. Ахуыргонд тренертæ уый фæстæ бацæттæ кæндзысты участокты æвзарæн къамисты мингай уæнгты.

Кæй зæгъын æй хъæуы, æппæт уæлдæр ранымад мадзæлтты реализаци ЦÆК-ы архайæн пъланмæ хауы. Цалдæр мæйы дæргъы дæсгай мадзæлттæ ауадзын æмæ дæсгай мин адæймæгты ахуыр кæнын æрхæссы бæрæг хæрдзтæ. Уый, æвæццæгæн, ссис æфсон иуæй-иу цымыдисгæнджытæн æвзарæн администрацимæ æрбабырсынæн. Контекстæй ист бæрæггæнæнтæ парахат кæнынц афтæ, æмæ æхцайы фæрæзтæ, дам, цыбыр рæстæгмæ хардзгонд æрцыдысты æнæбæлвырд хъуагдзинæдтыл, æмæ уый фæдыл æрцæуы цавæрдæр æнæзакъон ми. Уыимæ иумæ ацы мадзæлттæ æххæст кæнынимæ баст документтæ иууылдæр сты æхсæнадон.

Æвзарæнон администрацийы бæлвырдæй зæгъынц, цæмæй организацийы æппæт хæрдзтæ сты нысанмæздæхт æмæ растгонд. Цымыдисгæнæг фарсыты фиппаинæгтæ ацы фарсты фæдыл здæхт сты организацийы æмæ æнæхъæнæй æвзарæнон процессы дискредитацимæ. Централон æвзарæнон къамис æнæдзуаппæй нæ ныууадздзæн æвзарæнон процессæн зиан хæссыны архайд æмæ æхсæнадæн ратдзæн рæстдзинад алы фарстайы фæдыл, кæцытæ манипулятивонæй парахат кæндзысты æнæраст адæймæгтæ» – дзырдæуы ЦÆК-ы расидæны.