Централон æвзарæнон къамис абон йæ рабадтыл Тбилисы горæтон советы æмæ мэры æвзæрстыты фæстиуджытæн хатдзæгтæ сарæзта.
Бæрæггæнæнтæм гæсгæ, Тбилисы мэрæй «Гуырдзиаг Бæллиццы» кандидат Каха Къаладзе æвзæрст æрцыд, кæцы 215 363 æвзарæгæй 71.627% хъæлæс райста.
Тбилисы горæтон советы æвзæрстыты 324 798 æвзарæг иста хайад.
Абон йæ рабадтыл ЦÆК афтæ дæр хатдзæгтæ сарæзта Тбилисы горæтон советы æвзæрстыты фæстиуджытæн, кæцытæ 2025 азы 4 октябры пропорцион æвзарæнон системайы фæлгæтты сырæзтысты. Хатдзæггæнæн протоколмæ гæсгæ, æвзæрстыты хайадисджыты нымæц уыд 325 061. Тбилисы горæтон советы мандаттæ дихгонд æрцыдысты афтæ: «Консерватортæ Гуырдзыстоны сæраппонд» – 1 мандат, «Тыхджын Гуырдзыстон-Лело» – дыууæ, «Гирчи» – дыууæ, «Гуырдзиаг Бæллиццы» – 20 мандат. Мажоритарон системæйæ ауагъд æвзæрстыты фæстиуæгæн, парти «Гуырдзиаг Бæллиццы» Тбилисы горæтон советы алы 25 мандат дæр райста.
Æвзæрстыты фæстиуджытæн хатдзæгтæ скодтой æппæт бæстæйы районты æвзарæн къамисты дæр.
Абон Централон æвзарæнон къамис указ райста æмæ 2025 азы 4 октябры æвзæрстыты фæстиуæгæн æвзæрст муниципалитетты минæварады органты – горæтон советты фыццаг рабадт æнæхъæн Гуырдзыстоны масштабæй 30 октябры, 11:00 сахатыл æрсидтис. Тбилисы горæтон советы фыццаг рабадт байгом кæндзæн ЦÆК-ы сæрдар Гиорги Къаландаришвили, регионты рабадты та æмбæлон районон æвзарæнон комисты сæрдартæ байгом кæндзысты.