Евроцæдисы генералон хъуыддæгты советы рабадты райдайæны размæ, Францы Европæйы министр Бенжамин Хаддади æмæ Германийы Европæйы паддзахадон министр Гюнтер Крихбаум Гуырдзыстоны фарстайы фæдыл фæныхас кодтой.

Францы Европæйы министр Бенджамин Хаддади «Гуырдзиаг бæллиццмæ» æрсидтис репресситы фæуромын, политикон ахæстты ссæрибар кæнын æмæ «фæсарæйнаг агентты» фæдыл закъон скусын кæнын.

«Украинæ æмæ Молдовæ змæлынц Европæйы æрдæм, фæлæ хъыгагæн, абон Гуырдзыстон фæстейæ лæууы «Гуырдзиаг Бæллиццы» архæйдтыты тыххæй, уыцы репресситы тыххæй, кæцыты федтам уынгты æмбæстагон æхсæнад, сæрибар прессæ æмæ оппозицийы ныхмæ» – банысан кодта Хадиди.

Европаг интеграцийы процессыл ныхас кæнгæйæ, уый расидтис, цæмæй ацы этапыл Гуырдзыстон Евроцæдисмæ кандидат бæстæ у, «фæлæ ацы статус дэ-факто у ныууасыд æмæ размæ нæ цæуы. Уый размæ нæ цæудзæн, цалынмæ «Гуырдзиаг бæллиц» дарддæр кæна йæ репресси Гуырдзыстоны цæрджыты æмæ æмбæстагон æхсæнады демокративон æмæ сæрибар бæллицты ныхмæ».

Куы йæ бафарстой, цавæр æндæвдад ис Евроцæдисæн, уæд Хадиди йæ хъус æрдардта визæты арæнæвæрдтæм æмæ бамбарын кодта, цæмæй ацы инструментыл ныридæгæн ныхас цæуы Евроцæдисы уæнг бæстæты æхсæн.

«Мах ныридæгæн спайда кодтам нысанмæздæхт санкцитæй, се æхсæн Францы æрдыгæй визæйы арæнæвæрд хицæн адæймæгты ныхмæ, кæцытæ репресситы сты баст.Нæ фидиуæн гуырдзиаг адæмæн у: Франц æмæ Европæ æххуыс кæнынц гуырдзиаг цæрджыты европон тырнындзинæдтæн, кæцытæ «Гуырдзыстоны Бæллиццы архайдтытæ махæн гадзрахатæй цæуынц» -расидтис Бенджамин Хаддади.

Европæйы хъуыддæгты фæдыл Германийы паддзахадон министр Гюнтер Крихбаумы ныхасмæ гæсгæ, Гуырдзыстон евроинтеграцийы æрдгæй ныртæккæимæ абаргæйæ бирæ фылдæр разæй уыд.

«Хъыгагæн, Гуырдзыстон уыд бирæ дарддæр размæ.Ацы фæстæмæздæхт, кæцыйы мах уынæм Гуырдзыстоны, æрмæстдæр хъыгаг у, уæлдайдæр та рæзгæ фæлтæрæн, фæсивæдæн, уымæн æмæ сæ фæнды Европæ æмæ Евроцæдис», -расидтис Крихбаум.

Министр æрымысыд Еврокамисы хыгъдлæвæрд. Йæ ныхæстæм гæсгæ, фæстаг хыгъдлæвæрды, кæцыйы Марта Косс бавдыста, ис фыст, цæмæй Гуырдзыстон кандидатон бæстæ у æрмæст гæххæттыл.

«Гуырдзыстонæй аразгæ у, размæ къахдзæф акæна æмæ Евроцæдисы æрдæм ахиза, уый тыххæй хъæуы дих кæнын европæйаг аргъдзинæдтæ – демократи, сæрибардзинад, мыхуыры сæрибардзинад, хъуыдыйы сæрибардзинад. Хъыгагæн, уый Гуырдзыстоны нал у ифтонггонд», – бамбарын кодта Германийы европæйаг хъуыддæгты паддзахадон министр.