Bloomberg - Дунейы сеппæтæй бонджын бинонты мулкъ 151 миллиард доллар у
Bloomberg-ы бæрæггæнæнтæй, Дунеы сеппæтæй бонджын бинонты исад 151 миллиард доллар у.
Рауагъдады рейтингы æдæппæт 25 бинонтæ ис. Ранымады фыццаг у супермаркетты хызаг Wallmart-ы бардарæг Уолтонты бинонтæ. Сæ мулкы æппæтон аргъ у 151 миллиард доллар.
Дыккаг бынатыл сты нефтмагнаттæ Девид æмæ Чарльз Къоххтæ, сæ мулкъы аргъ 98,7 миллиард у. Ртыккаг бынатыл Марсийы бинонтæ, кæцытæ сты корпораци Mars-ы хицæуттæ. Афтæдæр номдзыд сты ацы номхуынды шоколадæй. Сæ мулкъы аргъ у 89,7 милиард доллар.
Номхыгъды афтæдæр ис бельгиæгты æртæ бинонтæ – Ван Дамм, Спулберх, æмæ Де Мивиус, кæцытæ иумæйагæй сты сегасæй егъау бæгæныхсидæн Anheuser-Busch INBEV-ы акциты бардарджытæ. Уыдон ранымады ахсынц цыппæрæм бынат æмæ сæ мулкъы эксперттæ аргъ скодтой 54,1 миллиард долларæй.
Фæндзæм бынатыл ис францаг Дюматы бинонтæ, кæцытæ модæйы хæдзар Hermes-ы хицæуттæ сты. Сæ мулкъы аргъ у 49,2 миллиард доллар.
Æхсæзæм бынат ахсынц модæй хæдзар Chanel-0ы бардарæг æфсымæртæ Алан æмæ Жерар Вереймертæ.
Сеппæтæй бонджын бинонты номхыгъды афтæдæр ис бинонтæ Индийæ, кæцытæ кондадон компани Reliance Industries-ы хицæуттæ сты. Афтæдæр концерн BMW-ы бардарæг Къвандтты бинонтæ.
Дунейы сеппæтæй бонджын 25 бинонты мулкъы æппæтон аргъ ахызт иу триллион долларæй.