Батумы горæтон тæрхондоны цæуы «Батумелеби» æмæ «Нетгазети»-йы бындурæвæрæг Мзиа Амагълобелийы тæрхон. Процессы хайад исынц дипломативон корпусы минæвæрттæ, се æхсæн Германийы минæвар Гуырдзыстоны Питер Фишер, Швецийы минæвар Анна Либерг æмæ Эстонийы минæвар Мардж Мардисалу-Кахари. Австрийы Европарламенты депутат Лена Шиллинг дæр Амаглобелийы тæрхонмæ æрбацæуы.

Тæрхон райдыдта хъахъхъæнæджы хъæппæрисæй. Адвокаттæ æркуырдтой, цæмæй райсой бæлвырдгæнæнтæ, кæцытæ баст сты æхсæнадон хъахъхъæнæджы офисы публикацигонд хатдзæгтимæ. Тæрхонгæнæг Нино Исмашвили хъахъæнджыты хъæппæрис сразы ис, фæлæ Мзиа Амагълобелийы административон хъуыддагмæ баст видеобæлвырдгæнæнтæ æркæсын æнæмæнгхъæугæйыл нæ банымадта.

Хъахъхъæнæгы ныхасмæ гæсгæ, ацы видеотæ ист æрцыдысты уый фæстæ, цæмæй Мзиа Амагълобели административон ахстæй ссæрибар ис æмæ сæ уæвынад хъуыдтагы æнæлогикон у. Тæрхонгæнæг хъуыды кæны, цæмæй уынаффæйыл бахъастгонд æрцыд æмæ ацы цауы, уголовон хъуыддаджы сыл æруынаффæ кæнын раст нæу.

Медицинон эксперт Чхартишвили Гивийы абон æрфарстой. Растдæр уый сарæзта тæрхондонон экспертизæ куыд Дгъебуадзе Ираклийæн афтæ дæр Мзиа Амаглобелийæн аварийы фæстæ. Эксперт сбæлвырд кодта, цæмæй Дгебуадзейæн ницы цæфтæ уыд, Мзиа Амагълобелийæн та йæ галиу уæхскыл уыд хъæдгæмттæ. Ныппы фæстæ рыстмæ та цы хауы, эксперт зæгъы, цæмæй рыст субъективон æнкъарæн у æмæ медицинон басгæрсты предмет нæу.

Тæрхон цæуы протесты фоныл. Хъуысынц хъæртæ: «Сæрибардзинад Мзиа Амагълобелийæн».