Тбилисы оперæ æмæ балеты театры «Фæндзæм зæлдаг фæндаджы форум» байгом ис. Форум Гуырдзыстоны премьер-министр Ираклий Къобахидзейы патронажæй 22-23 октябры уагъд цæуы æмæ дзы хайад исынц бæрзонд рангы политикон архайджытæ, бизнесы секторы æмæ æхсæнадæмон организациты минæвæрттæ.
Байгомгæнæн панел – бæрзонд æмвæзады диалог уагъд цæуы регионы бæстæты хицауады сæргълæуджытæ – Гуырдзыстоны премьер-министр Ираклий Къобахидзе, Сомихы премьер-министр Николь  Пашинян æмæ Азербайджаны республикæйы премьер-министр Али Асадовы хайадистæй.
Форум, 2015-æм азæй алы дыууæ азы уагъд цæуы, ацы периоды дæргъы форум ссис æппæтдунеон бренд æмæ бæрзонд æмвæзады платформæ æндæр æмæ æндæр бæстæты хицауадты æхсæн диалогæн, афтæ дæр организациты æмæ бизнесы минæвæртты æхсæн дывæрсыг æмæ бирæфарсон фембæлдтæн.
Мадзалы хайад исынц   2300 делегатæй фылдæр, 70 бæстæйæ. Форумы хайадисджыты нымæцы сты регионы бæстæты премьер-министртæ æмæ вице-премьертæ, афтæ дæр регионæй дарддæр бæстæты секторалон министртæ, раззагдæр дунеон компанитæ æмæ æппæтдунеон эксперттæ, Гуырдзыстоны аккредитацигонд дипломатон корпусы минæвæрттæ æмæ æппæтдунеон организацитæ – ИНО, Дунеон банкъ, Азийы размæцыды банкъ, Сау Денджызы экономикон æмгуыстады организаци (BSEC), æмæ æндæр организацитæ.