Гуырдзыстоны æттаг хъуыдтæгты министр Мака Бочъоришвили æмæ Азербайджаны æттаг хъуыдтæгты министр Джейхун Байрамовы æхсæн телефонон ныхас сырæзт.

Азербайджаны æттаг хъуыдтæгты министрады информацийæ, министртæ дыууæ бæстæйы æхсæн хæларадон æмæ стратегион партнерон ахастыты абоны уавæр æмæ перспективæтыл фæныхас кодтой. Банысангонд æрцыд, цæмæй бæрзонддæр æмвæзадыл политикон диалог æмæ бæстæты æхсæн уагъд интенсивон визиттæ фæахъаз сты æмахастыты ноджы тынгдæр фидардæр кæнынæн.

Ныхасы рæстæджы бахахх кодтой бæрзонд æмвæзады политикон контакттæ ноджы фæуæрæхдæр кæныны нысаниуæгдзинад фидæн азы.

«Фарсытæ æруынаффæ кодтой регионы базарад æмæ бастдзинады фарстатыл æмæ хорзыл банымадтой тыхархайдтытæ ацы здæхты.Министртæ райгондæй банысан кодтой, Гуырдзыстоны уылты Азербайджаны нефты продуктты экспорты тарифты фæдыл арæзт бадзырд æмæ банысан кодтой ацы здæхты куыст адарддæр кæныны нысаниуæгдзинад.Министр Джейхун Байрамов бузныг загъта Гуырдзыстоны къухдариуæгадæн, уымæй уæлдай ма уыдон рæстæгыл фарст аскъуыддзаг кæныны тыххæй. æндæр дывæрсыг æмæ регионалон фарстаты фæдыл министртæ кæрæдзийæн зæрдиаг арфæтæ загътой æрцæугæ Ног азы фæдыл æмæ ныфс бавæрдтой, цæмæй дыууæ бæстæйы æхсæн æмахастытæ иннæ аз ноджы фæтыхджындæр уыдзысты», — дзырдæуы хъусинаджы.