«Хæдтулгæ тæрыны  бардæттæг æвдисæндар райсынæн хъæугæ  минималон кар ивд æрцыд,  17  аздзыды  бæсты  ныр уыдзæн 18 азы» –  æмбæлон ивдтытæ  æрцыдысты хаст  «ФÆндагон змæлды фæдыл закъонмæ»,  кæцыйы автор у  мидхъуыддæгты министрад.

Гуырдзыстоны мидхъуыддæгты министрады бæрæггæнæнтæй,   хæдтулгæ  тæрыны бардæттæг æвдисæндар райсынæн практикон экзамен  уагъд цæудзæн дыууæ этапæй,   реалон  фæндагон змæлды режимы, афтæдæр  æхгæд  экзаменацион фæзуатыл.

Уымæй дарддæр ма,  мидхъуыддæгты министрады  бакуыст закъонопроектмæ гæсгæйæ, хæдтулгæ  тæрыны бардæттæг æвдисæндар райсынæн теорион экзаменмæ   æруагъды аргъ ныр уыдзæн 20 ларийы, 40 ларийы  бæсты.  Теорион этапы аргъ практикон  экзаменыл  фæбæрæг уыдзæн хæдбарæй.

«В»  категорийы хæдтулгæ  тæрыны бардæттæг æвдисæндар райсынæн практикон экзамены фыццаг жтапмæ æруадзыны аргъ  уыдзæн 40 лари, дыккаг  жтапмæ  иухаттон æруадзыны аргъ –  90 ларийы.

A, C, D, BE, CE, DE æмæ дæлкатегори A1, A2, B1, C1, D1, C1E æмæ D1E транспортон фæрæзты тæрыны бардæттæг æвдисæндар райсынæн практикон экзамены фыццаг этапмæ иухаттонæй  æруадзыны  аргъ уыдзæн – 40 лари,  иухаттон æруадзыны аргъ дыккаг этапмæ – 150  лари.

Уымæй  дарддæр ма,  цух  нæу  æргъты  ивд дæр.

МХМ-ы информацийæ,    ногдзинад у уый дæр æмæ, кæд æмæ ныры онг «В» категорийы цауы,  механикон хæдтулгæйыл экзамен дæттыны рæстæджы тæрæгæн, 40 ларийы  бафидыны фæстæ, йæ бон уыд ноджы  фондз хатт æнæфидгæйæ  рацæуын  экзаменмæ,  уæд  ног регуляцимæ гæсгæйæ,   экзамен раттын   механикон æмæ автоматон хæдтулгæтыл  уыдон сæмсæр уыдзысты,   æмæ уымæ æмбæлгæйæ  дæр, нырæйфæстæмæ уæлбарæй  нал пайда кæндзысты  тагъдадты ивæг механикон «коробка»йы  тæрджытæ.