Гуырдзыстоны æттаг хъуыдтæгты министр Мака Бочъоришвили æмæ Гуырдзыстоны Евроцæдисы минæвар Павел Херчинскийы фембæлд Авлабарийы церемониты галуаны фæцис.

Фембæлд ахаста сахаты бæрц. Минæвар Авлабарийы резиденцийæ журналисттимæ æнæ фæзынгæйæ ацыд.

Герчинскийы æрсидт баст уыд уыцы расидæнимæ, кæцыйы уый цалдæр боны размæ Брюсселы Европæйы æддагон архайды службæйы уагъд мадзалы сарæзта, кæцыйы цалдæр гуырдзиаг медийы апарахат кодтой: «Гуырдзыстон ис фæндаджы тигъыл, Гуырдзыстоны фидæн нырма фыст нæу, фæлæ цы æскъуыддзаг æрцæудзæн æввахс къуыритæ æмæ мæйты, уый сбæрæг кæндзæн, хауы æви нæ Гуырдзыстон бæстæты мыггæгтæм, бындуриуæг кæны демократи, закъоны уæлдæрдзинад æмæ адæймаджы бартыл, кæнæ та, хъыгагæн, æрыздæхдзæн йæ талынг ивгъуыдмæ». Уымæй дарддæр маХерчинский банысан кодта: «Мах хъуамæ ма бауадзæм Гуырдзыстон æмæ диссаджы, хъарм, уазæгуарзон гуырдзиаг адæмæн тыхмийы, мидхæсты, мæгуырдзинады, зындзинады, коррупцийы талынг рæстæгмæ æрыздæхын».

Гуырдзыстоны премьер-министр, Ираклий Къобахидзе 23-æм апрелы расидтис, цæмæй «Евроцæдисы минæвар гуырдзиаг адæммæ æртъхъирæн кæны мидхæстæй, мæгуырдзинадæй æмæ уый у йæ комкоммæ тæссагдзинад. Уый тыххæй æмбæлон у æттаг хъуыдтæгты министрады минæвармæ æрсидт».

Уымæй дарддæр ма, фæсарæн хъуыддæгты министр Мака Бочъоришвили 24-æм апрелы банысан кодта: «Дипломативон службæйæн реагир кæныны мадзæлттæ ис æмæ уыдонæй мах спайда кæндзыстæм, фадат нын уыдзæн Павел Херчинскийы æттаг хъуыдтæгты министрады фенын».