Гуырдзыстоны президент Михеил Хъавелашвили кусæн визитæй ис Казахстаны сæйраг сахар Астанайы, цы ран регионалон экологион саммиты хайад райсдзæн – уый фæдыл Гуырдзыстоны президенты администрацийы хъусын кæнынц.

Сæ ныхасмæ гæсгæ, Астанайы æппæтдунеон аэропорты Гуырдзыстоны президентæн официалон фембæлды  церемони сырæзт.

«Михеил Хъавелашвилийæн раарфæ кодтой Казахстаны премьер-министр Олжас Бектенов, æдтаг хъуыдтæгты министр Ермуханбеты Конуспаев æмæ Астанайы мэр Женис Касымбек.

Гуырдзыстоны президент саммиты пленарон рабадтыл хъуамæ раныхас кæна.

Форумы фæлгæтты, кæцы ИНО-имæ иумæ уагъд цæуы, æндæр æмæ æндæр бæстæты лидертæ климаты ивæндзинæдтæ расайгæ зындзинæдтыл æмæ арæзт æртхъирæнты æрбиноныгæн координиргонд тыхархайдты нысаниуæгыл фæныхас кæндзысты. Форум ма сæрмагонд хъусдард аздахдзæн бастдзинадмæ, кæцыйæн ис ахсджиаг нысаниуæг денджызмæ æнæбаст бæстæтæн.

Саммиты хайад исынц Казахстаны, Хъыргъызстаны, Узбекистаны, Таджикистаны, Туркменийы, Монголийы æмæ Сомихыстоны президенттæ æмæ Азербайджаны премьер-министр. Форумы раныхасгæнджыты нымæцы алы æппæтадæмон организациты разамонджытæ дæр.

Кустон  визиты фæлгæтты Гуырдзыстоны президент Хъавелашвили Михеил æмæ Казахстаны республикæйы президент Касым-Джомарт Токаевы æхсæн фембæлд у плангонд.

Гуырдзыстоны президент Казахстаны делегациимæ иумæ ис, кæцыйы сконды сты Гуырдзыстоны æрдзы хъахъхъæды æмæ хъæууон хæдзарады министр, Давит Сонгъулашвили, Гуырдзыстоны президенты администрацийы къухдариуæггæнæг Кетеван Квиникадзе æмæ Гуырдзыстоны æдтаг хъуыдтæгты министры хæдивæг Александр Хвтисиашвили» -ис фыст информацийы.