Гуырдзыстоны хицауады  барамындæй бындурæвæрд æрцыд  бæстæйы  рæзынад æмæ  реформæты  æхсæнуагдонон   совет, кæцы  бакусдзæнис, премьер-министр Ираклий Гъарибашвилийы  инициативæмæ æмбæлгæйæ, бæстæйы  арæзты дæсазон план.

Премьер-министры  пресс-куысты  информацийæ,   бæстæйы  раз уæвæг   быцæусидтыл,  эффективон   реагир кæныны нысанæн  арызт  æхсæнуагдонон  советæн къухдариуæг кæндзæн Гуырдзыстоны хицауады  сæргълæууæг.

Афтæма  сæ информацийæ,   рæзынады æмæ реформæты советы  уæнгтæ уыдзысты министртæ,  депутаттæ æмæ æндæр официалон уæнгтæ.

Рæзынады æмæ  реформæты совет барджын у  саразын кусæг къордтæ æмæ дæлкъордтæ, афтæма  бахъуаджы  цауы,  æрхона  æндæр уагдæтты  минæвæрты кæнæ  æмбæлгæ  сферæйы  специалистты, экспертты æмæ  хицæн секторы  минæвæртты.

Рæзынады æмæ  реформæты советæн йæ нысан у,   2021 азы  31  маймæ, Гуырдзыстоны  хицауадæн бавдиса  бæстæйы   арæзты  дæсазон планы  фыццаг документ. Бæстæйы   рæзынады æмæ реформæты æхсæнуагдонон совет саразыны фæдыл уынаффæ  премьер-министр Ираклий Гъарибашвили ныридæгæн бафыста.