Ираны  атомон  бадзырд  идеалон нæу,  фæлæ  йæ бахъахъхъæнын  иттæг нысаниуæгджын у – уый фæдыл, Германийы  канцлер   райхъусын кодта.   Ангела Меркелы  ныхæстæм гæсгæ,   регионы   Ираны ролы æмæ Тегераны  ракетон  программæйыл  æхсæнадæмон   æмгарады  мæстыдзинады  равдисыны сегасæй хуыздæр амал у  атомон бадзырды формат.

«Фарстæ афтæ лæууы, нæ  бон у æви нæ хуыздæр ныхас кæнын,  бадзырдæй  дæхи куы айсыс, кæнæ дæ бынат  куы нæ уадзыс  уæд.  Мах дзурæм,  цæмæй  нæ бон у  хуыздæр бадзурын,  бадзырдты  куы  баззайæм уæд» –  банысан кодта  Меркель.

Германийы  хицауады  къухдариуæггæнæг  афтæдæр райхъусын кодта, цææмй  атомон  фарстытыл   кусæг  организациты бындурыл, Иран  бадзырдæй йæхимæ цы хæстæ райста, уыдоны æххæст кæны зæгъгæ.