Аналена Бербок - уынæм бæстæйы проевропаг къурсæй февгъуыйин кæныны архæйдтытæ, мæ визиты рæстæджы мæ фæнды бæрæг суа, цæмæй Германи æххæстæй разы у Гуырдзыстоны европаг перспективæимæ
Германийы фæсарæн хъуыддæгты министрад Аналена Бербокы Гуырдзыстонмæ визиты фæдыл информаци публикаци кæны.
Уагдоны хъусинагæй, Гуырдзыстонмæ визиты рæстæджы Германийы фæсарæн хъуыддæгты министр Аналена Бербок фембæлдзæн хицауады уæнгтимæ æмæ президент Саломэ Зурабишвилиимæ.
«Гуырдызстоны бацахста дырыс позици Уæрæсйеы æрдгæй Украинайы ныхмæ райдайгæ хæстмæ гæсгæ. Цæрджыты фылдæры хай, тырны Евроцæдисмæ. Иртасæнмæ гæсгæйæ, Гуырдзыстоны цæрджыты 80% фæнды, цæмæй сæ бæстæ Евроцæдисы уæнг суа», – дзырдæуы уагдоны фидиуæны.
Уыимæ Гуырдзыстоны балцы агъоммæ иу бон раздæр комментары сарызта йæхæдæг Аналена Бербок.
«Гуырдзыстоны цæрджытæ Евроцæдис дырысæй сбæлвырд кодтой сæ нысанæн. Фæстаг къуыриты уыдон Евроцæдисы тырысатимæ рацыдысты Тбилисы уынгтæм, демонстрацитæ плюрализмы æмæ законы сæйрагдзинад бахъахъхъæнынæн куы кодтой, уæд. Мæ визиты рæстæджы мæ фæнды, бæлвырд фехъусын кæнын, цæмæй Германи æххæст йæ фарс хæцы Гуырдзыстоны европаг перспективæйæн. Уынæм бæстæйы проевропаг къурсæй февгъуыйин кæныны архайд, кæцыимæ разы у Гуырдзыстоны цæрджыты абсолютон фылдæры хай. Уынæм æлхъывд, кæцыйы раз бæстæ лæууы мидæгæй æмæ æддæйæ. Тбилисы, хицауадимæ æз фæныхас кæндзынæн уыцы къахдзæфтыл, кæцытæ бæстæ нырма хъуамæ сараза Евроцæдисы кандидаты статус райсынæн. Демократон стандарттæн цыт кæнынимæ иумæ уый у медиайы сæрибардзинад, активон æмбæстагон дзыллæйы æмæ кæрæдзийæн цыты принциптæй æхсæнадон дебаттæ мафесафын, цæстангас кæрæдзийæ хъауджы куы уæд дæр. Мах куыд Евроцæдисы, ацы хæзнатæ иу кæнынц æмæ уырнæг стæм: ам нæй гæнæн уа цыбыр фæндаг кæнæ уæлидзинæдтæ», – дзырдæуы Гуырдзыстонмæ визиты тыххæй Аналена Бербокы фидиуæны, кæцыйы Германийы фæсарæн хъуыддæгты министрад публикаци кæны.
Германийы фæсарæн хъуыддæгты министрады куыд банысан кодтой афтæмæй, фæстаг къуыриты Гуырдзыстон уыдис немыцаг æмæ æхсæнадæмон медиайы сæргондты. Мингай æмбæстаг спротест кодтой плангонд закъон, кæцыйæ Гуырдзыстоны хицауады фæндыд, срегулир кодтаит æнæхицауадон организациты фæсарæнтæй финансдзинад Цалдæрбонон протесты фæстæ, хицауад закъонопроект фæстæмæ асидтис. Германийы æддагополитикон уагдоны информацийы банысангонд у, цæмæй фæсивæд уыдысты акæнæг тых а.х. «Фæсарæйнаг агентты фæдыл» закъоны ныхмæ протестты.
Германийы фæсарæн хъуыддæгты министр Тбилисы афтæдæр фæныхас кæндзæн Илиайы Университеты студенттимæ темæйыл – «Куыд уынынц æвзонг гуырдзиæгтæ Уæрæсемæ хæстæг лæууæг Хуссар Кавказы бæстæйы фидæн».
«Гуырдзиæгтæн сæ сыхаг бæстæимæ тынг турбулентон истори ис, – уыдон уыдысты Советон цæдисы хай 1991 азы онг. Уæрæсейы æмæ Гуырдзыстоны æхсæн абоны ахастытæ сты ныттынггонд, уымæн æмæ Уæрæсе 2008 азы æфсæддон конфликты фæстæ æххæст кæны де-факто контрол Абхаз æмæ Хуссар Ирыстоны регионтыл, кæцытæ æхсæнадæмон барадмæ æмбæлгæйæ Гуырдзыстоны хай сты. Фæсарæн хъуыддæгты министр Аналена Бербок фæуазæг уыдзæн Хуссар Ирыстонимæ администрацион хаххы цурмæ, цæмæй сæрмагонд фена уый. Администрацион хаххыл уавæрмæ йæ цæст дары Евроцæдисы мониторингы мисси. Евроцæдисы æрдгæй Гуырдзыстоны стабилондзинадмæ хаст, дзæвгар æмæ нысаниуæгджын хайбавæрд растдёр ацы мисси у – Германи Евроцæдисы миссийы ставддæр контрибютор», – дзырдæуы Германийы фæсарæн хъуыддæгты министрады информацийы.