Анаклиайы арфдоны порты денджызон инфраструктурæйы арæзтадон куыстытæн расидт æхсæнадæмон тендеры афтæ хуынæг уæлахиздзау. Стыр цыппарæй равзæрстой стыр бельгиаг компани Jan De Nul, хъусын кæны экономикæ æмæ æнæфæцудгæ рæзынады министрад.

Уагдоны информацимæ гæсгæ, бадзырдты фæстæ, дунейы стырдæр европæйаг компанитæй иу æххæст кæндзæн наулæууæны доны фæзуат фæарфдæр кæныны æмæ донæмбырдгæнæн (донуадзæн) саразыны куыстытæ.

«Тендерон къамис равзæрста хуыздæртæй хуыздæрты. Цыппар куыстуатæй æртæ архайдтой тендеры. Се ‘ппæт дæр сты европæйаг æмæ сын ис хуыздæр æхсæнадæмон репутаци ацы архайды. Тендермæ хуынд куыстуæттæн ис дунейы дренажон паркы 80 проценты. Бельгиаг компани «Jan de Null» арæзт æрцыд 1938 азы æмæ йæ зилдух у 2,5 миллиард евро, кусы дзы 7 мин адæймагæй фылдæр. Компани активонæй архайдта Панамæйы къаналы рауæрæх кæныны проекты, уымæй уæлдай ма æххæст кодта кæнæ æххæст кæны проекттæ дунейы алы регионты, се æхсæн Европæйы, Персы бакæлæны, Африкæйы æмæ æндæрты.
Анаклиайы арфдоны порты фыццаг науты 2029 азы плангонд у райсын, кæцы Гуырдзыстоны транспортон æмæ логистикон инфраструктурæйы фæрцы фæфылдæр кæндзæн уæзты цыд. Наулæууæны фыццаг фазæйы хъомыс афæдзмæ уыдзæн 600 мин контейнеры, индикативон аргъ та 600 милуан АИШ доллары», – банысангонд у Экономикæ æмæ æнæфæцудгæ размæцыды министрады информацийы.