АИШ-ы Сенаты сразы сты закъонимæ Уæрæсейы активты конфискацийы фæдыл
АИШ-ы Сенаты сразы сты закъонимæ Уæрæсейы активты конфискацийы фæдыл

АИШ-ы  Сенат сразы сты  закъонимæ Уæрæсейы активты конфискацийы фæдыл.

Ацы закъон   историйы фыццаг хат ратдзæн АИШ-ы хицауадæн бар, уыцы бæстæйы централон банкы  активты  конфискаци  скæна, кæцыимæ АИШ хæсты баст нæу.

Закъон уый фадат дæтты, цæмæй  АИШ-ы  салд   уырыссаг  активтæ  Украинайæн раттой.

Сенаты  æддагон ахастыты  комитеты  уагъд халæппæрстыл, фæнысангонд  закъонимæ  сразы сты  20 закъондæттæг, иу та  йæ ныхмæ рацыд.

«Æнæмæнг у, цæмæй  Уæрæсейыл æвæрд цæуы моралон æмæ юридикон  бæрн, цæмæй сфинанс кæна Украинайы сног, уыцы пырхмæ гæсгæйæ, кæцыйы расайдта  Украинамæ бырст æмæ  хæст», –  райхъусын кодта АИШ-ы Сенаты  æддагон ахастыты комитеты сæрдар, Бен Кардин.

Афтæма йæ  дзырдæй, АИШ-ы  салд уырыссаг  активты   аргъ   5  миллиард доллары бæрц у.  Æппæт дунейы та  салд сты 300 миллиард доллары аргъы  уырыссаг активтæ.

Кардины фидиуæнæй, Вашингтоны сæм ныфс ис, цæмæй  уырыссаг активты конфискацийы фæдыл,  закъоны райст  АИШы  æмцæдисонтæн  дæтты  стимул  аналогион мадзæлттæ скнынмæ.

Бæрæгдзырдæн 2023 азы  сæрды  Евроцæдисы  кусæн  кхорд   рахаста уынаффæ,  цæмæй уырыссаг активты  байсты  закъонон мæцъис нæй. Уый фæстæ  Евроцæдис тæрхон кæны  салд активты  реинвестирдзинады  вариантыл, цæмæй ацы фæндагæй  ист æфтиаг  бахардз уа Украинайы сæндидзын кæнынæн.

Мæскуыйы райхуъсын кодтой, цæмæй кремль, уырыссаг активты конфискацийы дзуаппæн, аналогион къахдзæфтæ  сараздзæн Уæрæсе педерацийы  «æнæхæлар бæстæты» активтимæ.