АИШ-ы паддзахадон департаменты пресс-спикер  фæсарæйнаг  æндæвды  æргомдзинады  фæдыл Гуырдзыстоны парламентмæ  бавдыст  закъонопроекты кой ракодта, кæцымæ гæсгæ дæр  хъуамæ арызт уа  фæсарæйнаг æндæвдады  агентты  реестр.

«Ис нæм сагъæстæ.  Тынг мæтæфтыд стæм. Ис нæм инфоормаци  Гуырдзыстоны  парламентмæ бавдыст  закъонопроектыл æмæ тынг хъынцъмгæнæг  сты йæ  гæнæн  фæстиуджытæ  дзырды сæрибары æмæ демократийыл  Гуырдзыстоны.  Ацы  сагъæстæ радзырдтам  Гуырдзыстоны хицауадæн. Бавдыст закъон  ныссæнддзæн  æмæ   ныхъхъус кæндзæн   хæдбар хъæлæс Гуырдзыстоны  æмбæстæгты,  кæцыты  сæрмагонд дзыллæйæн  хуыздæр фидæн саразынæн архайынц. Уырны нæ, цæмæй ахæм   закъон  потенционæй тæссаг у  Гуырдзыстоны еворлатлантикон   интеграциййæн.

Бæрæг у, цæмæй фидиуæнтæ уый фæдыл, ома ацы  закъонопроет бындурæвæрд у  АИШ-ы  уæвæг фæсарæйнаг  агентты   регистрацийы актыл  «FARA», мæнг сты.   Уымæй уæлдай, ацы  закъонопроект зыны, цæмæй æнцойæвæрд у  уый хуызæн уырыссаг  æмæ венгриаг   закъондæттынадыл æмæ йын ницы  иумæйаг ис FARA кæнæ  æндæр америкаг   закъонимæ», – райхъусын кодта Нэд Прайс.