Гуырдзыстоны АИШ-ы  минæвар  Келли Дегнан  æмæ АИШ-ы  минæварады культурæйы  атташе  Кристофер  Андерсон  абон, Дзуары моладзандонмæ фæуазæг уыдзысты, цæмæй  банысан кæной, Мцхетайы  Дзуары  аргъуаны  консервацийæн рауæлдайгонд  финансдзинад. Уый фæдыл информаци хъусын  кæны АИШ-ы минæварад.

Афтæма сæ  хъусинагæй, 2020 азы  Гиорги Чубинашвилийы националон иртасаг  центрмæ АИШ-ы  минæварæй рафтгæ  фондæй лæвæрд æрцыд  506 000 АИШ доллары бæрц  финансдзинад  аргъуаны  фасады  дурты консерваци æмæ фæфидар кæнынæн.

Минæварады  хъусинагæй, проекты  сыххæст кæнынæн  2019  азы  АИШ-ы  минæвары  культурон  быны фонд  рауæлдай кодта финансдзинад – 100 000  АИШ долллары  бæрц,  проекты фыццаг   этапæн, кæцы йæ хъуыдыйы дардта  Мцхетайы  Дзуары  аргъуаны бæстыхайы  алыгъуызон мультидисциплинарон  иртасын æмæ ацы иртасæныл æнцойæ  консервацийы  проект æрцæттæ кæнын.

2020 азы АИШ-ы минæвары культурон  быны фонд  сразы ис  проекты  пролонгациимæ  æмæ рауæлдай кодта 506 000 $ йæ  дыккаг  этапæн, кæцы  йæ хъуыдыйы  дары  физикон куыстытæ  ауадзын  цæттæ  консервацион  проектмæ æмбæлгæйæ.  Ацы  этап аххæсдзæн 30  мæйы (2020 азы 30 сентябр, –  2023 азы  31  мартъи).

«Мцхетайы  Дзуары  культурон æмæ историон  нысаниуæг  зындгонд у.  Ацы бынат баст у  Гуырдзыстон чырыстон дины  куы фæхæст  уыцы дуджы  фыццаг азтимæ. Ам цы дзуар ис, уый  æппæт Кавказы масштабæй зындгонд сыгъдæгдзинад уыд. Аргъуан, кæцы фæстæдæр, æхсæзæм æнусы  кæрон  æрцыд арызт,  рагон  гуырдзиаг архитектурæйы  сегасдæр хуыздæр цæвиттон у. Мцхетайы Дзуар у Юнескоы Дунейы бындарады  цырт, кæцы рæзын кæны  йæ æхсæнадæмон нысаниуæг.

Консервацион проекты сыххæст у ахсджиаг  Мцхетайы Дзуар бахъахъхъæнынæн.  Ацы куыстыты   фæрцы  æдбынхафт æрцæудзæн  уæвæг  рæзгæ æртъхъирæн æмæ сæнæмæнг уыдзæн  бæстыхайы дурамады дæргъвæтин фидардзинад æмæ æнæхъæндзинад.  Æнхъæлмæкæсинаг  у  уый æмæ  консервацион куыстыты фæстæ  фидæн  20 азы дæргъы  консерваци нал бахъæудзæн», – банысангонд у АИШ-ы минæварады  информацийы.