АИШ-ы минæварад – Ахæм рæстæджы, бæрæг у, куыд ахсджиаг у сæрибар медиа сæрибар æхсæнадæн
АИШ-ы минæварад, Гуырдзыстоны, «ТВ Фыццаг»-ы кинонывгæнæг къорды Ингорохъвайы клиникæмæ визиты фæдыл информаци парахат кæны.
Минæварады информацийы куыд ис банысангонд афтæмæй, карзæй тæрхон кæнынц медийы уæнгтæм æмæ Гуырдзыстоны æмбæстæгтæм бабырстытæ.
«Абон минæвар Данниган æмæ йæ европæйаг коллегæтæ «ТВ Фыццаг»-ы къорды уæнгты бабæрæг кодтой. Журналисттæ стыр хъæбатырдзинад равдыстой адæмæн хъусын кæныны хъуыддаджы. Ахæм рæстæджы бæрæг вæййы, куыд ахсджиаг у сæрибар медиа сæрибар æхсæнадæн. Карзæй тæрхон кæнæм «Гуырдзиаг бæллиццы» æвирхъау æмæ æнæбындурон бабырстытæ медийы уæнгтæм æмæ Гуырдзыстоны æмбæстæгтæм фæстаг бонты. Паддзахадон нымæрдар Энтони Блинкен куыд банысан кодта, афтæмæй Америкæйы Иугонд Штаттæ цæттæ кæнынц спайда кæнын нæ къухы цы фæрæзтæ ис, уыдонæй, уыцы нымæцы санкцитæй, цæмæй тыхмидзинад чи аразы æмæ тыхмидзинады уавæр чи парахат кæны, уыдон дзуапп дæттой», – ис фыст минæварады хъусынгæнинаг.