АИШ-ы финансон департамент Вахтанг Гомелаури æмæ Мирза Кезевадзейыл санкцитæ снысан кодта.
АИШ-ы финансон департамент Гуырдзыстоны мидхъуыдтæгты министр Вахтанг Гомелаури æмæ сæрмагонд хæслæвæрдты департаменты хистæры хæдивæг Мирза Кезевадзейыл санкцитæ снысан кодта.
Департаменты фидиуæнмæ гæсгæ, Гомелаури æмæ Кезевадзе бæлвырдгонд сты куыд фæсарæйнаг æмбæстæгтæ, кæцытæ сты кæнæ уыдысты уагдоны лидертæ кæнæ бæрнонтæ, се æхсæн цыфæнды хицауадон уагдæттæ, кæцытæ баст сты кæнæ кæцыты уæнгтæ баххæст кодтой серьозон адæймаджы барты хæлд. Снысангонд санкцитæ Глобалон Магнитскийы акты фæлгæтты æххæстгонд æрцыдысты, кæцы йæ тыхы ис 2017 азæй фæстæмæ.
Расидæны ис фыст, цæмæй Гуырдзыстоны мидхъуыддæгты министрад медийы минæвæртты, оппозицийы уæнгты æмæ протестгæнджыты æвирхъау репрессийы уыд баст, уый нымæцы 2024-æм азы демонстрациты рæстæджы дæр.
АИШ-ы казначействойы фидиуæны банысангонд у, цæмæй протестон акциты райдайæны фæстæ, Гуырдзыстоны мидхъуыддæгты министрады сæрмагонд хæслæвæрдты департамент протесттæн æнæпропорцион тыхмидзинадæй дзуапп радта, цæмæй диссиденттæ бауромой æмæ протестгæнджыты тæрсын кæной.
«Сæрмагонд хæслæвæрдты департамент спайда кодта массон цæфты тактикæйæ, дзыхæй æфхæрд æмæ сексуалон тыхмийы тæссагдзинадæй. Пъæлицæйы тыхмидзинад департаменты уæнгты æрдыгæй æрцыд, хицæн адæймæгтæ пъæлицæйы ахст куы уыдысты, ахст куы уыдысты æмæ протестон зонæйæн æддейæ. Сæрмагонд хæслæвæрдты департамент афтæ дæр æнæбары нысан кодта уыцы журналистты, кæцытæ æвдыстой тыхмидзинад æмæ бирæ хатт æфхæрдтой ахст митинггæнджыты», – дзырдæуы хъусинаджы.
Казначействойы департамент куыд æмбарын кæны, афтæмæй абоны архайды фæстиуæгæн, АИШ-ы уæлдæр ранымад адæймæгтæм цы исбон æмæ активтæ ис, кæнæ АИШ-ы адæймæгтæм цы исбон ис кæнæ контрол кæнынц, уыдон сты æрæхгæд æмæ хъуамæ фехъусын кæной Фæсарæйнаг активты контролы офисмæ. Уагæвæрдтæ æнæмæнгæй тобæ кæнынц æппæт транзакцитæ АИШ-ы æхсæн кæнæ мидæг, кæцытæ баст сты санкцигонд адæймæгты исбон кæнæ активтимæ. АИШ-ы æмбæстæгтæ гæнæн ис æмæ æмбæстагон кæнæ уголовон æфхæрд æрцæуой санкцитæ халыны тыххæй.