АИШ-ы æрыппæрстой Китайы гигантон уæлдæфон пурти, кæцы Вашингтоны позицимæ гæсгæйæ, Америкæйы сæрыл æфсæддон объекттыл цæстдарды нысанæн тахтис
АИШ-ы æрыппæрстой Китайы гигантон уæлдæфон пурти, кæцыйæ Вашингтоны бæлвырдгæнæнтæм гæсгæйæ, Америкæйы сæрыл æфсæддон объекттыл, цæстдарынæн пайда кодтой. Пентагоны бæлвырд кæнынц, цæмæй уæлдæфон пурти æфсæддон авиакуынæггæнджыты фæрцы АИШ-ы территорион дæтты сæрыл æрыппæрстой. Хъахъхъæнынады уагдоны хуъсинагæй, «F-22»-ы типы хæдтæхæг иу ракетæйæ æрыппæрста. Æсæддæттæ ныр фæнысангонд пуртийы хæйттæ æмбырд кæнынц, цæмæй сæ дарддæр бацахуыр кæной.
«Уæлдæфон Пуртийы фæдыл æртыццæджы мын фехъусын кодтой. Уыцы бон Пентагонæн бахæс кодтон куыд гæнæн ис афтæ тагъд уый æрыппарын. Сурзæххыл исчи куыд ма базин уыдаит уый тыххæй, уыдон ахицæн кодтой, ома уымæн æппынхуыздæр уыдаит пуртийы доны сæрыл куы уыдис уæд æрыппарын. Фæнды мæ бузныг зæгъын нæ пилоттæн, ацы бардзырд чи сыххæст кодта уыдонæн» – райхъусын кодта АИШ-ы президент Джо Байден.
Китайы хицауад нæ сæтты, цæмæй уæлдæон пурти шпионажы нысанæн уыд æмæ хуъсын кæнынц, цæмæй уый уыдис метеорологион аппарат кæцы йæ курсæй аиртæстис.
Аэростаты æрыппарыны фæстæ Китайы фæсарæн хъуыддæгты министрад ахæлиу кодта фидиуæн æмæ протест равдыста АИШ йæ æмбæстагон тæхæн аппараты ныхмæ тыхæй спайдайы тыххæй.
«Рабæлвырд кæныны фæстæ китайаг фарс цалдæр хатт базонын кодта америкаг фарсæн, цæмæй уæлдæфон нау æмбæстагон нысаниуæгы уыд æмæ уый АИШ-ы тыгъдадмæ форсмажорон ситуацийы бахауд. Уый уыдис абсолютонæй сæмбæлгæ инцидент» – дзырдæуы Китайы фæсарæн хуъыддæгты уагдоны фидиуæны.
Банысан кæнын хъæуы,ц æмæй АИШ-ы сæрыл китайаг уæлдæфон пуртийы разыныны тыххæй АИШ-ы паддзахадон нымæрдар Энтони Блинкен Китаймæ плангонд визит аргъæвдта.