Гуырдзыстон æмæ АИШ-ы æхсæн дыууæфарсон æмкуыстдзинады фæлгæтты, АИШ-ы æфсæддон къорды минæвæрттæ мидхъуыддæгты министрады уæлвæткон уавæрты уагдоны куыстуатæн балæвар кодтой зынгхуыссынгæнæн æмæ бастдзинады фæрæзтæ 234 150 доллары аргъæй.

Мидхъуыдтæгты министры хæдивæг Александр Дарахвелидзе æмæ уæлвæткон уавæрты уагдоны куыстуаты къухдариуæггæнæг Темур Мгъебришвили уæлвæткон уавæрты управленийы АИШ-ы æфсæддон къорды делегацийы æмæ АИШ-ы æппæтдунеон минæвар Алан Перселы фысым кодтой æмæ семæ фембæлд сарæзтой.

Фембæлды ма архайдтой АИШ-ы æфсæддон къорды сæргълæууæг, подполковник Эндрю Андервуд, æфсæддон атташе инæлар Джонатан Адамс æмæ дыууæфарсон æмгуыстады кусæг – майор Алек Харрисон.

Гуырдзиаг фарс бузныг расидтис америкаг фарсæн фарсылхæцындзинады тыххæй. Министры хæдивæг банысан кодта, цæмæй лæвæрд сæрмагонд техникæ æмæ апаратурæ нысаниуæгджынæй фæтыхджындæр кæндзæн зынгхуыссынгæнджыты оперативон гæнæнтæ æмæ æнцонвадат кæндзæн æппæт бæстæйы масштабæй æнæнхъæлæджы уавæрты эффективон реагирдзинад.

Делегацийы уæнгтæ афтæ дæр бабæрæг кодтой Уæлвæткон уавæрты уагдоны куыстуаты оперативон контролы центры бæстыхай æмæ базонгæ сты центры архайды сæйраг здæхтимæ æмæ бынатыл æнæнхъæлæджы уавæрты реагирдзинады процессы спецификæтимæ.