Лыгъдæтты, фæллойы, æнæнизхъахъхъæды æмæ социалон хъахъæды министрад фæллойадон иммигранттæн æмæ хæдбар фæсарæйнæгтæн куысты бар дæттыны фæтк бæлвырд кæны.

Министрады информацийæ, «Фæллойадон миграцийы фæдыл закъонмæ» ивæндзинæдтæ сæ тыхы бацæудзысты 2026 азы фыццæгæм мартæй.

«Ивæндзинæдтæм гæсгæ, Гуырдзыстоны фæсарæйнæгты куыст/хи куыст æрмæстдæр æмбæлон уагæвæрдтæ æххæст кæнгæйæ сырæздзæн.Цæмæй фæсарæйнаг æмбæстаг уа юридикон æгъдауæй куыстæй кæнæ фæллойадон/амалиуæг архайдтытæ æххæст кæна, уый нымæцы дистанционæй, уый тыххæй хъуамæ райса «куысты бар». «Куысты бар», йæ хъæудзæн райсын D1 категорийы иммиграцион визæ æмæ/кæнæ куысты цæрыны барлæвæрд.

Фæсарæйнæгтæн «куысты бар» дæтты  «Куыстдæр кæныны паддзахадон агентад». Барлæвæрды процесс у æххæстæй электронон æмæ регистрацийы портал уыдзæн æнæмæнгхъæуæг 1-æм мартъийæ. Барлæвæрд райсынæн хъæуы фиддон, æмæ фиддон аразгæ у лæггады æмгъуыдæй: стандартон æркаст (30 боны) – 200 лари; тагъд æркаст (10 кусгæ боны) – 400 лари.

«Фæллойадон миграцийы фæдыл закъон»-мæ гæсгæ, бизнес хæсджын у, фæсарæйнаг æмбæстаджы куыстмæ райсыны размæ фæллойадон базарады управленийы информацион системæйы – Worknet.moh.gov.ge – ваканси сæвæра æппынкъаддæр дæс кусгæ боны размæ. Кæд æмæ снысангонд æмгъуыдмæ вакансимæ æмбæлон квалификациимæ бынæттон адæймаг нæ разындзæн, уæд æрмæстдæр уый фæстæ куыстдæттæгæн бар ис фæсарæйнаг æмбæстаджы сæрмагонд электрон фæллойадон миграцион системæйы куысты райсыны тыххæй курдиат бадæттын. Закъонмæ гæсгæ бардæттæг гæххæтт райсыны тыххæй фиддон хъуамæ фида куыстдæттæг. Куысты бар лæвæрд цæуы бæлвырд бынатæн æмæ бæлвырд куыстдæттæгæн иу азы онг æмгъуыдмæ.

Хи куыстгæнæг фæсарæйнагмæ та цы хауы, «куысты бар» райсыны тыххæй электрон курдиат баххæст кæны æмæ æмбæлгæ фиддон йæхæдæг фиды. Хи куыстгæнæгæн куысты барлæвæрд лæвæрд цæуы бæлвырд фадыджы, къабазы ​​æмæ амалхъомдзинады архайды æвдисæнимæ. Кæд æмæ фæсарæйнаг æмбæстаг йæхи аиуварс кæна «Фæллойадон миграцийы тыххæй» закъоны нысангонд нормæтæй, уый фæстиуæгæн уыдзæн ивар куыд кусæгæн, афтæ куыстдæттæгæн дæр, уыимæ финансон æфхæрд хи куыстгæнæг фæсарæйнагæн дæр. Хи куыстгæнæг фæсарæйнæгтæн, кæцытæ 1-æм мартæй ныридæгæн архайынц Гуырдзыстоны, закъондæттынадæй снысангонд æххæстгæнæн механизм йæ тыхы бацæудзæн 2026-æм азы 1-æм майæ.