Тбилисы æхсæнадæмон  аэропорты  абон бæрзонд рангы  размæ рацæуыны  официалон  церемони ацæудзæн.   Боны дыккаг æрдæджы   сæйраг сахармæ æрцæудзысты  Польшæйы  фæсарæн хъуыддæгты министр Яцек  Чапутович, Лиетувæйы  фæсарæн хъуыддæгты министр Линас Линкявичус, Латвийы   фæсарæн хъуыддæгты  министр  Эгарс  Ринкевичс æмæ   Украинæйы вице-премьер  Павло Розенко.

Хæлар бæстæты  æддæ хъуыддæгты министртæ  æмæ  вице-премьер  Тбилисмæ  æрцæудзысты  Уæрæсе-Гуырдзыстоны   2008-æ азы хæстæй  10 азы  сæрмæ гæсгæ  мадзæлттæм.

Фæсарæн хъуыддæгты министрады  куыд хъусын кæнынц  афтæмæй, фæнысангонд  визит се рдгæй  Гуырдзыстонæн  фарсхæцынады æмæ   хæларады  равдыст  у.

Визиты фæлгæтты   уазджытæ  хайад райсдзысты  фæсарæн хъуыддæгты  министрады  организацигондæй  плангонд  тымбыл  фынгы  форматы   фембæлды –  «Сабырады æмæ Æдасдзинадæн – 2008 азы  Уæрæсе-Гуырдзыстоны  хæстæй 10  азы  фæстæ». Афтæдæр цæст ахæсдзысты  оккупацион хаххыл, скад кæндзысты  Гуырдзыстоны территорион æнæхъæндзинадæн  фæмардуæвджытæн  æмæ  фемб1æлдтæ  ауадздзысты   Гуырдзыстоны   президентимæ,   премьер-министримæ æмæ Гуырдзыстоны  парламенты  сæрдаримæ.

ФХМ-ы  информацийæ,  тымбыл фынгы  фæлгæтты   каст æрцæудзæн  Европæйы  æдадсзинады  æмæ   сабырады   раз  уæвæг  сидтытæ.  Сæрмагонд  хъусдард уыдзæн  регионы  уæвæг конфликтты  сабырадон фæндагæй   аскуыддзагы  фарстаты æрдæм.  Мадзалыл  ныхас аххæсдзæн  Уæрæсе-Гуырдзыстоны  конфликтмæ,  оккупацигонд Гуырдзыстоны  регионты  æдасдзинады  æмæ адæймаджы  барты  æрдгæй   уæвæг  уæзззау  уавæрыл, Гуырдзыстоны  хицауады политикæ  конфликты сабырадонæй  аскуыддзагы  æмæ æхсæнадæмон  дзыллæй  тыхархайд ацы æрдæм.

Гуырдзыстон-Уæрæсейы  2008 азы   хæстæй 10 азы сæрыл  хæлар бæстæты  минæвæртты  визит æххæст цæуы Лиетувæ æмæ Польшæйы  иумæйаг инициативæйæ.