Абоны рабадтыл Централон æвзарæн къамис 26-æм октябры парламентон æвзæрстытæн фæсарæнты æвзарæн участоктæ саразыны фарстайыл æруынаффæ кæндзæн.
ЦÆК-ы куыд банысангонд у, афтæмæй закъондæттынадмæ гæсгæ, æвзарæнон администраци фæсарæн хъуыддæгты министрадæй райсгæ ног бæрæггæнæнтæ Гуырдзыстоны хъæлæс кæныны бар кæмæн ис, уыцы 65 508 æмбæстагы фæдыл, кæцытæ бæстæйы æддейæ сты консулон регистрацийы.
ЦÆК-ы пресс-спикер, Натиа Иоселиани брифингыл куыд расидтис, афтæмæй æвзарæн фадгуытæ гом кæнынц уыцы бæстæты, кæцыты раздæр æвзæрстытæ нæ уыд.
«Ацы бæрæггæнæнтыл бындурæвæрдæй, абоны фембæлдыл 42 бæстæйы 60 æвзарæнон фадыджы байгом кæныны фарста уыдзæн уынаффæ. Нысаниуæгджын у уый, æмæ 26 октябры парламентон æвзæрстытæн фæсарæнты фылдæр участоктæ гом кæнынц, 2020 азы парламентон æвзæрстыты цы уыдысты, уымæй. Афтæ дæр, уый гом цæуы уыцы бæстæты, кæцыты раздæры парламентон æвзæрстыты нæ уыд æвзарæн фадгуытæ, кæнæ та æмтгæй райсгæйæ иу раздæры æвзæрстыты дæр нæ уыд. Уыцы бæстæтæ сты: Иугонд Араббаг Эмираттæ, Финляндийы Республикæ, Кореяйы Республикæ, Япони, Австралийы Æмцæдисад.
Æхсæнады зæрдыл æрлæууын кæндзыстæм, цæмæй закъондæттынадмæ гæсгæ, фæсарæнты æвзарæнон фадыг арæзт цæуы 50-æй къаддæр æмæ 3 минæй фылдæр нæу æвзарæгæн, кæцытæ сты консулон регистрацийы. Гуырдзыстоны æвзарæнон закъондæттынад нæ дары йæ зæрдыл æндæр регуляци фæсарæнты цæрæг Гуырдзыстоны æмбæстæгты æвзæрстыты хайадистмæ гæсгæ» – расидтис Натиа Иоселиани.