Мюнхены æдасдзинады 62-æм конференци абон байгом ис æмæ 15-æм февралы сыххæст уыдзæн.

Конференцийы хайад райсдзысты 50 бæрц паддзахады сæргълæуджытæ æппæт дунейæ. Се æхсæн сты: АИШ-ы паддзахадон нымæрдар Марко Рубио, Стыр Британийы премьер-министр Кейр Стармер, Францы президент Эммануэль Макрон, Китайы фæсарæн хъуыддæгты министр Ван И æмæ Украинæйы президент Владимир Зеленский.

Афтæ дæр конференцийы хайад райсдзысты фæсарæн хъуыддæгты æмæ хъахъхъæнынады министртæ 100 бæстæйæ, æмтгæй райсгæйæ минмæ æввахс уазæг 120 бæстæйæ. Гуырдзыстоны конференцимæ Гуырдзыстоны фæсарæн хъуыддæгты министр Мака Бочъоришвили æрцæудзæн.

Конференцийы байгом кæндзæн Германийы канцлер Фридрих Мерц, кæцы хъуамæ фæныхас кæна трансатлантикон бастдзинæдты æмæ Евроцæдисы фæтыхджындæр кæныны æнæмæнгхъæуындзинадыл.

Мадзалы фæдыл раныхас кæндзæн Европайы централон банкъы президент Кристин Лагард.

Конференцийы æдасдзинад сифтонг кæныны тыххæй, Герман 5000 бæрц пъæлицæйы кусæг æрвитдзæн, се æхсæн сыхаг бæстæтæй дæр. Плангонд сты цалдæр протест æмæ митинг.