30 апрел Гуырдзыстоны   гарзджын   тыхты  бон у.  Гуырдзиаг  æфсад   йæ  сæвзæрдæй  27  азы   юбилей    бæрæгбон кæны.  Ацы бонмæ гæсгæ    цалдæр   мадзал  ацæудзæн.

Сæумæрайсомæй  хъахъъхæнынады  министр  Леван Изориа  æмæ  инæларон штабы  хистæр   инæлар-майор Владимер Чачибаиа   Афгъанистаны  æмæ Африкæйы   континентыл  цæугæ  æхсæнадæмон  мисситы  хайадисæг   гуырдзиаг  сабырадхъахъæнджытæн  гарзджын тыхты  бон  видео-конференцийы  фæрцы раарфæ кодтой.

Гуырдзыстоны  гарзджын   тыхты  бонмæ гæсгæ  Афгъанистаны  Баграмы   авиацион   базæйыл  гуырдзиаг  сабырадхъахъхъæнджыты  фыццаг масштабон   ахуыр сырæздзæн.

11:00  сахатыл   Гуырдзыстоны  гарзджын  тыхты  бон Вазианы, IV механизацигонд   бригадæйы  нысан кæнынц.  Æфсæддон   кусджытæн  гуырдзиаг   æфсады  бон раарфæ кæндзысты  Гуырдзыстоны   президент  Гиорги Маргвелашвили,   премьер-министр  Гиорги Квирикашвили,  Гуырдзыстоы парламенты  сæрдар  Ираклий Кобахидзе,  хъахъъхæнынады  министр Леван Изориа æмæ инæларон штабы  хистæр  инæлар-майор Владимер Чачибаиа.

Гуырдзыстоны   хъахъæнынады министрады информацийæ,   ацы аз   гуырдзиаг  æфсад  профессион боныл  ногдзинæдтимæ амбæлд.   Равдыст уыдзæн   фыццаг гуырдзиаг  дæлхайад, кæцы  зæрдæвæрæнæй  Гуырдызстоны    хъахъъхæнынады   цæттæдзинады  программæйы (GDRP) фæлгæтты   масштабон   ахуыртæ  райдайдзæн.   Бавдыст уыдзæн   Гуырдзыстоны  гарзджын тыхты  сарсеналы  уæвæг  Джавелины  типы   танкъыныхмæ   системæтæ.