2020 азы бюджеты ивддзинæдты проекты, хицауады антикризисон пъланæй бæлвырд мадзæлттæн хъæугæ ресурстæ дæр сты нымад
Хицауады администрацийы абон премьер-министры, Гиорги Гахариайы къухдариуæгæй ацæугæ экономикон советы рабадтыл 2020 азы бюджеты ивдтыты проекты презентаци ацыд.
Презентацийыл куыд банысан ис афтæмæй, 2020 азы бюджеты хъæугæ уæлæмхас ресурс (æфтиæгты æнхъæлмæкæсинаг 1.8 млрд ларийы хъуаг æнæбанымайгæйæ) у 3.4 млрд ларийы бæрц æмæ æххæссы хицауады антикризисон пъланæй бæлвырд алы мадзæлттæн хъæугæ уыцы финансон ресурсмæ, кæцыйæ æнæмæнгхъæугæ у спайда кæнын цæугæ фисклон афæдзы дæргъы, уый нымæцы:
- Æххуырст кусджытæн, кæцытæ сæ мызд фесафтой, 6 мæйы дæргъы 200 ларийы бæрц æххуыс райуæрстæн нымад у – 450 млн лари;
- Кусæнуаттæ бавæрыны нысанæн уагæвæрд æфтиагон фиддæны фæкаддæр – 250 млн лари;
- Сæрмагонд амалиуæгдæрттæн иухаттон 300 ларийы бæрц æххуысæн – 75 млн лари;
- Цæрджыты коммуналон хардзтыл субсидитæн -170 млн лари;
- 65-æй 100 мин социалон рейтингон баллы онг категоримæ цæугæ бинонтæн æххуыс (бинонты уæнгты нымæцмæ гæсгæйæ) 6 мæйы дæргъы – 48 млн лари;
- 100 мин социалон рейтингон баллы онг категоримæ цæугæ бирæсывæллонджын бинонтæн 100 ларийы æххуыс 6 мæйы дæргъы – 13 млн ларийы онг;
- Дырысæй бæрæг амалхъомдзинад цух уæнгты æмæ амалхъомдзинад цух сабитæн 100 ларийы æххуыс 6 мæйы дæргъы – 24 млн лари;
- StopCoV-ы фонды хыгъдыл мобилизацигонд суммæ 133, 5 млн лари;
- Карантины тыгъдадтæй лæггады аргъы æмæ тахтытыл субсидитæн -45 млн лари;
- Вирусы апарахат маруадзыны æмæ æнæнизхъахъхъæды хардзтæн – 285 млн лари;
- Æнæнизхъахъхъæды инфраструктурæ цæттæдзинад фæхуыздæрæн – 60 млн лари;
- Кредитон-гарантион схемæ сфинанс кæнынæн – 330 млн лари;
- Фысымуæтты процентон хардзты субсидитæн -70 млн лари;
- Туристон объектты мулкъы фиддонæй суæгъд кæнын – 45 млн лари;
- Лыстæг грантты райуарынæн -20 млн лари;
- Арæзтады секторæн æххуыс (уый нымæцы лигъдæттæн хæдзæртты фæфылдæргонд балхæд) – 40 млн лари;
- Хъæууон-хæдзарады секторæн æххуыс -139 млн лари;
- УАФ-ы уæлæмхасæй æрыздахынæн – 600 млн лари
- Коммерцион банктæн ларийы дæргъвæтин ликвидондзинад саразынæн – 600 млн лари.