2017 азы  дунейы  кусæн хæстæ æххæст кæныны   рæстæджы 65  журналист  æрбамард. Æхсæнадæмон бартæ хъахъахъæнæг   организаци  «Репортертæ æнæарæнтæй»  æрвылазон  хыгъдлæвæрд  публикаци  кæны.  Медийы  минæвæрттæн  сегасæй тæссаг бæстæты   номхыгъды  сæры  лæууынц Сирий  æмæ Мексикæ.

Фæмардуæвджытæй  26    фæхъуыдысты  кусгæйæ.   Уыдон фестадысты,   авиабырстыты, артиллерион æхсты  æмæ  химарæг террористты  сæххæст   теракты амæттаг.  39 корреспондент  та,  кæцыты  æрмæджытæ  политикъон   экономикон кæнæ   фыдгæнæгн къордты  интерстæн уыдысты тæссаг,  сты марындзинады амæттаг.

Бæстæты ранымад та ахæм у:

Сирий -12,

Мексикæ -11,

Иракъ – 9,

Афгъанистан – 8,

Индий –  4,

Филлиппинтæ – 4,

Сомали – 4,

Мальтæ – 1,

Хуссар Судан – 1,

Гондурас-1,

Даний – 1,

Колумби – 1,

Бразили- 1,

Бирма – 1,

Бангладеш – 1.

Сегасæй   зындгонд  æссис,  мальтайаг  джурналисты  Дафне  Каруана Галициайы  марындзинад.  Журналист 16 октябры  сæрмагонд автомобилы  спырх кодтой.

Дафне Каруана Галиция  хицауады уæнгты, уый нымæцы  Мальтæйы премьер-министры  финансон махинациты  бастдзинады фæдыл  арæх фыста.   Марындзинады хъуыддагыл   ахст  10 уæнгæй  æртæйæн  аххосаг бавдыстой.

Фыццаг декабры бæрæггæнæнтæм  гæсгæ,   информацийы   алæвæрды фæдыл,  дунейы масштабæй  326 журналисты æрцахстой,  54 та  амынæт сты, дыууæ корреспондлент  æвæндаг æбайсæфтыл нымад цæуынц.

Фæнысан кæнинанг у, цæмæй ивгъуыд азмæ абаргæйæ,   ацы азы  бæрæггæнæнтæ  къаддæр сты. 2016 азы  кусæн хæстæ æххæст кæныны  рæстæджы фæмард 74  журналист.