15 майы Гуырдзыстонмæ фæуазæг уыдзысты Латвийы, Эстонийы, Лиетувæйы æмæ Исландийы фæсарæн хъуыддæгты министртæ

15 майы  Гуырдзыстонмæ, Латвийы, Эстонийы, Лиетувæйы æмæ Исландийы  фæсарæн хъуыддæгты министртæ  æрцæудзысты.  Уый фæдыл  информаци Латвийы  фæсарæн хъуыддæгты министрады  веб-фарсыл уыд публикацигонд.

«Латвийы фæсарæн хъуыддæгты министр Баиба  Браже  кусæн визиты фæлгæтты,  Гуырдзыстонмæ  фæуазæг уыдзæн    Эстоний фæсарæн хъуыддæгты министр   Маргус Цахкимæ, Исландийы  фæсарæн хъуыддæгты министр  Тордис Колбрун  Реикфорд Гилфадоттиримæ æмæ Лиетувæйы фæсарæн хъуыддæгты  министр   Габриелиус  Ландсбергисимæ иумæ.

Балтийгæрон бæстæты æмæ Ислнадийы  фæсарæн хъуыддæгты министртæ   иумæйаг   фембæдтæ  ауадздзысты  Гуырдзыстоны  президент Саломэ Зурабишвилиимæ,  афтæма Гуырдзыстоны  парламенты сæрдар Шалва Папуасшвилиимæ,  Гуырдзыстоны фæсарæн хъуыддæгты министр Илиа Драчиашвилиимæ æмæарламенты оппозицион   партиты минæвæрттимæю  Уыимæ, плангонд сты  фембæлдтæ Гуырдзыстоны  хицауады  уæнгтимæ æмæ æмбæстагон дзыллæйы  организацитимæ», – банысангонд у  информацийы.

Уагдоны хъусинагæй,   Балтийгæрон   бæстæты  æмæ Исландийы фæсарæн хъуыддæгты министртæ  Гуырдзыстоны  президентимæ иумæйаг пресс-конеференци  ауадздзысты.

Латвийы  фæсарæн хъуыддæгты министрады  информацийы  куыд у банысангонд афтæмæй,   визиты фæлгæтты,  æркæсдзысты  Гуырдзыстоны  цæугæ  фæзындтæ, сæ нымæцы  Гуырдзыстоны  парламенты  бавдыст закъонопроект «Фæсарæйнаг  æндæвдады æргомзинады фæдыл».

Официалон уæнгтæ   афтæдæр  хъавынц  хъуыдыты  баивын  Гуырдзыстоны  реформæты  процессыл Евроцæдисы  йæ  интеграцийы   прогрессы фæдыл», –  банысангонд у  информацийы.