Цыппæрæм октябры цауты фæдыл, Нана Сандерæн авд азы ахæстоны фæбадын, Або Навериан æмæ Антон Уберæн фондз азы алкæмæндæр, Мариам Мехъанцъишвилийы та 5000 ларийæ фæивар кодтой

Тæрхондон 4-æм октябры цауты фæдыл ахст цыппар адæймагы, Нана Сандеры, Або Навериани, Антон Уперы æмæ Мариам Мехъанцъишвилийы аххосджыныл банымадта.

Тæрхондоны уынаффæмæ гæсгæ, Нана Сандерæн стæрхон кодтой авд азы ахæстоны фæбадын, Або Навериани æмæ Антон Уперæн стæрхон кодтой фондз азы ахæстоны фæбадын алкæмæн дæр, Мариам Мехъанцъишвилийы та фæивар кодтой 5000 ларийы.

Антон Уперæн тæрхон рахастой заочно, уымæн æмæ æмбæхсы.

Тæрхон фехъусын кæныны размæ аххосджынтæ сарæзтой сæ кæронбæттæн ныхæстæ. Сæ ныхæстæм гæсгæ, уыдон 4 октябры митингы æрлæууыдысты бæстæйы европæйаг фидæн бахъахъхъæныны тыххæй æмæ фыдракæнд нæ сарæзтой.

Хъуыдтагы ацы эпизоды фæдыл æнæхъæнæй 12 адæймаг æрцахстой. Уыдонæй аст сæхи аххосджыныл банымадтой æмæ сæ къухтæ æрфыстой аххосджын кæныны бадзырдыл, уый фæстæ сæ тæрхондоны залæй ссæрибар кодтой.

Уæ информацийæн, Нана Сандеры Гуырдзыстоны уголовон кодексы 225-æм статийы фыццаг хаймæ гæсгæ аххосджын кодтой, кæцы къордон тыхмидзинады организаци кæнынмæ хауы æмæ æхсæзæй 9 азы онг ахæстоны фæбадыны тæрхон дары йæ зæрдыл. Афтæ дæр æй азымджын кодтой Гуырдзыстоны уголовон кодексы 317-æм статьямæ гæсгæ, кæцыйы мидæг ис Гуырдзыстоны конституцион фæтк тыхмийы ивд æмæ паддзахадон хицауады ныппырх кæнынмæ сидт. Фыдракæнд 9 азы онг ахæстоны фæбадыны тæрхон дары йæ зæрдыл. Або Навариани æмæ Антон Упер аххосджынгонд æрцыдысты Гуырдзыстоны уголовон кодексы 19-222-æм статьяйы 2-æм хайы «а»-йы дæлхайадмæ гæсгæ, кæцы æххæссы стратегион æмæ сæрмагонд нысаниуæгджын объектты байсын кæнæ æрæхгæныны фæлварæнмæ, кæцытæ къордæй арæзт æрцыдысты. Афтæ дæр сæ аххосджын кодтой Гуырдзыстоны уголовон кодексы 225-æм статьяйы 2-æм хаймæ гæсгæ, кæцы къордон тыхмидзинады хайадистмæ хауы.

Мехъанцъишвили Мариам Гуырдзыстоны уголовон кодексы 226 статьямæ гæсгæ аххосджынгонд æрцыд, кæцы къордон акцийы организаци кæнынмæ хауы.