Илья Чъавчъавадзейы  180 азы юбилейон датæйы банысан кæнынæн газет «Ивериа»-йы специалон  рауагъды,  иу  фарс мыхуыр æрцыд 1909 азы  6 июлы  номырæй.  Специалон рауагъды, абон,  Тбилисы мерийы  ахуырады, спорты æмæ æрыгонон  хъуыддæгты  куысты хистæр  Иракли  Гвилава æмæ  транспортон  компанийы   кусджытæ,  метрополитены æмæ  муниципалон автобусты  бæлцæттæн байуæрстой.

Газет «Ивериа», Тбилисы 1877  азы 3  марты фыццаг æрцыд уагъд мыхуыры. Уый уыд сæйраг политикъон-литературон  периодон рауагъд,  кæцы лæккад кодта, гуырдзиæгты  националон хизонындзинады фæтынгдæр кæныны  æмæ хæдбардзинады  идеяйæн. ЙÆ бындурæвæрæг уыд Илья Чъавчъавадзе.

1879-1885  азты «ивериа»  мыхуыр уагъд цыдис журналы хуызæй, 18886 азы та  йæ æрвылбойнон газетæй скодтой.

«Ивериа»  архайдта гуырдзиаг адæмы  националон  æмбарынад  сбæрзонддæр кæныны хъуыддаджы  пайдайæн  æмæ æвдыста   куыд  социалон-экономикон  æмæ  кудьтурон царды,   афтæ йæ   редакторы æмæ  кусджыты  рухстауæн  идеятæ.

Газет  рухс кодта  кусджыты   змæлды  фарстытæ  Гуырдзыстоны æмæ  фæсарæнты бæстæты  историйы, æвзагзонынады, этнографийы, географийы, социологийы  фарстытæ.

Илья Чъавчъавадзе  æрфидар кодта  публицистон жанр, «мидæгон афæлгæст»  кæцы  уæрæхæй    æвдыста   адæмы æмæ  бæстæйы æрвылбойнон  цардуагы  сæйраг проблемæтæ,  афтæ ма сæ  аскуыддзагы амæлттæ.  Стыр бынат ахстой  адæмон ахуырдзинады  фарстытæ, скъола,   ахуыргæнджыты,  хицауады политикæйы  ахуырады къабазы æмæ хъомылады  системæ.

Хицæн  у  «Ивериа»-ы  рол  гуырдзиаг фыссынад архайджыты  къабазы   рапарахаты.  Æндæр æмæ æндæр  рæстæджы газеты  публикацигонд  æрцыд  номдзыд гуырдзиаг  фыссджыты  Акакйи  Цъеретелийы, Якоб Гогебашвилийы, Важа Пшавелайы, Александре Хъазбегийы, Нико  Ломоурийы, Экатерине  Габашвилийы, Сопром  Мгалоблишвилийы  æмæ æндæрты  сфæлдыстад.

2017 аз у Илья Чъавчъавадзейы  юбилеон афæдз.  ЙÆ райгуырдæй 180 азы  рацыд, æрмæст йæ марындзинадæй  та  110 азы.