Уæрæсейаг хакертæ, кæцытæ  2016 азы  АИШ-ы  президентон æвзæрстытæм бацыдысты,   кибербырстытæ  сæххæст кодтой  æнæхъæн дунейы –  уый тыххæй фыссы  «Ассошиэйтед Пресс».  Рауагъдады хъусинагæй,   АИШ-æй уæлдай сеппæты фылдæр бырст сыххæст  Украинæйы, Уæрæсейы, Гуырдзыстоны æмæ Сирийы.

Хъуыддаг æххæссы  2015 азы  мартæй  2016 азы  майы онг  периодмæ.   «Fancy Bears»-ы номæй  зындгонд    къорды уæнгтæ,   АИШ-ы  573   электронон   постмæ баирвæзын бацархайдтой.  Сæ мысæнтты  нымæцы уыдысты паддзахадон нымæрдар   Джон Керри, афтæма,  Европæйы НАТО-йы  тыхты  сæргълæууæг  Филлипп  Бридлав  æсмæ йæ  развæдгæнæг Уэсли Кларк.

Хакертæ   афтæдæр балæбурдтой  украинаг   офицерты, уырыссаг оппозиционерты æмæ  АИШ-ы  хъахъъхæнынады  министрады   кусджыты постмæ.

«Асошиэйтед Прессы»   ссаргæ  мысæнтты   номхыгъды  ис «Google»-ы   электронон  посты   4700  пайдагæнæг.   Сæ нымæцы  Киевы Ромы Папы   минæвар,  музыкалон  бенд  «Pussy Raiot»-ы уæнгтæ æмæ æндæртæ.
Ацы номхыгъды журналисттæ, киберæдасдзинады фарстыл  кусæг компани  «Secureworks»-ы  специалисттимæ  иумæ  æрцæттæ кодтой.

Кэмбриджы   конфликтты  бацахуыргæнæг-иртасæг центры  куыд дзурынц афтæмæй,   номхыгъд  иу кæны уыцы уæнгты,    кæцыты дискредитаци,  фæтæрсын кæнын  кæнæ  ныхъхъус кæнын фæндыд Кремлы.
Специалистты  ныхæстæм гæсгæ,  арæх,    хакерты  мысæнттæн,  Уæрæсейæ  уæлдай  ницы иумæйаг ис. Дæнцæн  æрдзхъахъхъæнæг   активисттæ  Мурманскъы,  хæдбар газет  Сомихыстоны æмæ   ахуыргæнæндон организаци Хъазахстаны.

Хакерон  къорд  «Fancy Bears» 2000  азты сырæзт.   Уый номдзыд æссис  2016  азы , киберфыдгæнджытæ  АИШ_ы  Демокративон партийы сервертæм  лæбурд  куы сыххæст кодтой уæд.