Təl-Əvivin mərkəzində partlayış baş verib, bir nəfər ölüb, dörd nəfər yaralanıb

10:27, 19.07.2024

Təl-Əvivin mərkəzində səhər saatlarında partlayış baş verib. Fövqəladə xidmətlər partlayış nəticəsində bir nəfərin öldüyünü, dörd nəfərin isə yaralandığını bildirib.

İsrail Müdafiə Qüvvələri partlayışın böyük ehtimalla pilotsuz təyyarənin zərbəsi nəticəsində baş verdiyini bildirib.

Partlayış İsrail ordusunun Livanın cənubunda Hizbullahın yüksək rütbəli komandirinin öldürüldüyünü təsdiqləməsindən bir neçə saat sonra baş verib.

“İlk araşdırma müəyyən edib ki, Təl-Əvivdəki partlayış hava hədəfinin vurulması nəticəsində baş verib. Sirenlər işə salınmadı. Hadisə hərtərəfli araşdırılır”, – İsrail Müdafiə Qüvvələri bildirib.

Müəllif - Emil Aliyev

Dünya