Xarici təsir haqqında qanunun qəbulu Avropa İttifaqının Gürcüstanla bağlı gündəmini sarsıdır. Gürcüstan proqnozlaşdırıla bilən və Avropa gündəliyinə uyğun olmalıdır-bu haqda Rumıniyanın xarici işlər naziri Luminita Odobesku Brüsseldə, Avropa İttifaqının Xarici İşlər Şurasının iclası başlamazdan əvvəl jurnalistlərə deyib.

O, Rumıniyanın gürcü xalqının Avropa istəklərini tam dəstəklədiyini bildirib.

“Müzakirəni davam etdirəcəyik, çünki Gürcüstanın bizə yaxın olması bizim üçün olduqca vacibdir, lakin bu qanunun qəbulunun Avropa gündəmini sarsıtdığı aydındır. Bu mesajın Gürcüstan hakimiyyətinə də çatdırılması vacibdir. Bir daha deyirəm ki, Gürcüstan Rumıniya üçün tərəfdaşdır, biz Gürcüstanı Avropa İttifaqına çox yaxın tutmalıyıq və əhalini dəstəkləməyə davam etməliyik”- Rumıniyanın xarici işlər naziri deyib.