Polşa qanunvericiləri Belarusla sərhəddə təhlükəsizlik xidmətlərinin silahdan istifadəsini asanlaşdıran qanun layihəsini təsdiqləyiblər. Reuters-in məlumatına görə, bu qanun layihəsi ictimai dəstək alır, lakin hüquq müdafiəçilərinin fikrincə, bu, insan hüquqlarını pozur.

Fəalların sözlərinə görə, onlar Tuskun Avropayönlü hökumətinin miqrant böhranı ilə bağlı əvvəlki hökumətin yanaşmasını təkrarlamayacağına ümid edirdilər.

Varşava, eləcə də Avropa Birliyi bildirir ki, Belarus və onun müttəfiqi Rusiya bilərəkdən Yaxın Şərq və Afrikadan olan miqrant böhranı yaradır, Minsk və Moskva bunu inkar edir.

Vəziyyət xüsusilə 21 yaşlı polşalı əsgərin sərhəddə bıçaqlanması və aldığı yaralardan ölməsi ilə daha da gərginləşib.

Qanun layihəsi fövqəladə hallarda təhlükəsizlik xidmətlərinə odlu silahdan istifadə etməyə icazə verəcək. Hüquq müdafiəçiləri iddia edirlər ki, qanun layihəsi insidentlərin düzgün araşdırılmasına mane ola bilər.