Avqustun 1-dən Polşa Belarus sərhədi yaxınlığında 17 000-ə qədər hərbçinin iştirak edəcəyi hərbi təlimlərə başlayır.

Polşanın Müdafiə Nazirliyində açıqlandığı kimi, qeyri-qanuni miqrantların gəldiyi ölkələrin vətəndaşlarının Polşa-Belarus sərhədini keçməyin cinayət olduğunu bilmələri üçün Xarici İşlər Nazirliyi ilə birlikdə tədbirlər görülür.

Polşanın müdafiə naziri Vladislav Kosinak-Kamişa bildirib ki, Polşa sərhədini qoruyan Polşa ordusunun əsgərlərini hansısa formada təhqir edən hamı cavab verəcək.

Bundan əvvəl Polşa Belarusla sərhəddə patrul xidməti aparılmasında kömək üçün Finlandiya, Almaniya və Yunanıstana müraciət etmişdi. Avropanın Sərhəd və Sahil Mühafizəsi Agentliyi “Frontex”in məlumatına əsasən, 2024-cü ilin ilk beş ayında blokun şərq sərhədi boyunca Avropa İttifaqına keçməyə çalışanların sayı iki dəfə artıb.