“Hizbullah” qruplaşması liderlərindən Fuad Şükrinin ölümünü təsdiqləmir. Bu barədə “BBC” yazır.

Hizbullahın məlumatına görə, hücum zamanı Fuad Şükri binanın içərisində olub. Lakin dağıntılar hələ də təmizlənir və onların liderinin hələ də sağ ola biləcəyinə ümidlər var.

Məlumat üçün bildirək ki, İsrail dünən Beyrutda hücuma keçib. İsrail Müdafiə Qüvvələrinin məlumatına görə, onların hədəfi Qolan təpələrinə hücuma rəhbərlik edən Fuad Şükri olub. Bununla belə, öz məlumatlarına görə, Həcc Möhsin kimi tanınan Fuad Şukri Hizbullahın ən nüfuzlu hərbi komandiri olub və qruplaşma lideri Həsən Nəsrullahın baş hərbi müşaviri kimi tanınan “sağ əli” olub.

Hücumdan qısa müddət sonra İsrailin müdafiə naziri Yoav Qalant Hizbullahın qırmızı xətləri keçdiyini bildirib.