İsrailin Müdafiə Qüvvələrində hərbçilərinin Qəzza tərəfində Rafahın buraxılış məntəqəsinə nəzarət etdiyini bildirirlər. Müdafiə Qüvvələrinin bəyanatına əsasən, 401-ci zirehli-tank briqadası səhər saatlarında Qəzza sektorunda Misirlə sərhəddə yerləşən Rafah keçid məntəqəsini ələ keçirib.

Hərbçilərin yaydığı videogörüntülərdə tankların Rafah buraxılış məntəqəsinin ərazisinə necə daxil olduğu görünür. İsrailin Müdafiə Qüvvələrinin bəyanatına əsasən, onlarda “qeyd olunan buraxılış məntəqəsinin terrorçular tərəfindən terror məqsədləri üçün istifadə edildiyinə dair kəşfiyyat məlumatı var”.

Ordudan açıqlandığı üzrə, hazırda buraxılış məntəqəsinin gecə əməliyyatı zamanı İsrail qüvvələri tərəfindən ələ keçirilən şərqi Rafahın Salah-a-din yolu ilə əlaqəsi kəsilib. İsrailin Müdafiə Qüvvələrinin verdiyi məlumatda, gecə əməliyyatı zamanı 20 silahlının öldürüldüyü və 3 mühüm tunelin aşkarlandığı deyilir.